ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +11°C
Усе навіны
Усе навіны
Палітыка
04 жніўня 2022, 10:21

Беларусь прапанавала распрацаваць глабальны дакумент аб гарантыях для няядзерных дзяржаў

Фота з архіва
Фота з архіва

4 жніўня, Мінск /Кар. БЕЛТА/. Беларусь прапанавала распрацаваць глабальнае пагадненне аб прадастаўленні няядзерным дзяржавам з боку краін, якія валодаюць ядзернай зброяй, гарантый аб непрымяненні ядзернай зброі і недапушчэнні пагрозы яе прымянення. Гэту ініцыятыву агучыў начальнік аддзела міжнароднай бяспекі і кантролю над узбраеннямі галоўнага ўпраўлення шматбаковай дыпламатыі Міністэрства замежных спраў Беларусі Васіль Паўлаў на Канферэнцыі па разглядзе дзеяння Дагавора аб нераспаўсюджванні ядзернай зброі (ДНЯЗ) у Нью-Ёрку, паведамляе БЕЛТА.

Дыпламат звярнуў увагу на неабходнасць разгледзець пытанне аб распрацоўцы глабальнага юрыдычна абавязваючага пагаднення аб прадастаўленні няядзерным дзяржавам з боку краін, якія валодаюць ядзернай зброяй, недвухсэнсоўных і безумоўных гарантый аб непрымяненні ядзернай зброі і недапушчэнні пагрозы яе прымянення. "Гэта ў поўнай меры ўпісваецца ў логіку прапановы кіраўніка беларускай дзяржавы, зробленай у маі гэтага года ў пісьме генеральнаму сакратару ААН, аб неабходнасці выпрацоўкі зразумелых і празрыстых дамоўленасцей аб правілах новага сусветнага парадку, які забяспечыць гарантыі бяспекі ўсім членам міжнароднай супольнасці", - дадаў ён.

На яго думку, цяпер усім краінам неабходна ўсведамленне калектыўнай адказнасці, каб сумесна зрабіць рашучыя захады па ўсебаковым умацаванні ДНЯЗ і стварэнні ўмоў для паступальнага руху да свету без ядзернай зброі. "Беларускі бок гатовы падтрымліваць усе канструктыўныя намаганні і ініцыятывы ў гэтым напрамку", - падкрэсліў дыпламат.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі