ДЗЯРЖОРГАНЫДЗЯРЖОРГАНЫ
Флаг Серада, 29 чэрвеня 2022
Мінск Пераменная воблачнасць +22°C
Усе навіны
Усе навіны
Палітыка
14 красавіка 2022, 09:01

Беларусь лічыць недапушчальнай палітызацыю дзейнасці ААН і яе спецыялізаваных органаў

Фота з архіва
Фота з архіва

14 красавіка, Мінск /Кар. БЕЛТА/. Пастаянны прадстаўнік Беларусі пры Аддзяленні ААН у Жэневе Ларыса Бельская ўручыла даверчыя граматы генеральнаму дырэктару Аддзялення ААН у Жэневе Таццяне Валавой. Аб гэтым БЕЛТА паведамілі ў прэс-службе Міністэрства замежных спраў.

У час размовы Ларыса Бельская падкрэсліла прыхільнасць Беларусі да захавання і ўмацавання мандата Аддзялення ААН у Жэневе як аб'яднальнай шматбаковай пляцоўкі. "Беларускі дыпламат адзначыла ўнікальныя магчымасці і ролю размешчаных у Жэневе міжурадавых арганізацый для пабудовы больш гарманічнага і справядлівага свету, эфектыўнага рэагавання на важнейшыя сусветныя выклікі, а таксама іх значны патэнцыял па ўдасканаленні глабальнага і рэгіянальнага шматбаковага партнёрства для ўстойлівага развіцця", - праінфармавалі ў МЗС.

Пастаянны прадстаўнік Беларусі і генеральны дырэктар аддзялення ААН абмеркавалі магчымыя напрамкі супрацоўніцтва па пытаннях рэгіянальнай і глабальнай бяспекі, у тым ліку ў рамках Канферэнцыі па раззбраенні, сакратарыят якой узначальвае Таццяна Валавая. "Беларускі дыпламат падкрэсліла выключную важнасць канструктыўнага парадку дня ў галіне раззбраення і нераспаўсюджвання, заснаваную на прынцыпе непадзельнасці бяспекі, асабліва на фоне цяперашняга крызісу ў сферы рэгіянальнай і глабальнай бяспекі. Ларыса Бельская таксама адзначыла недапушчальнасць палітызацыі дзейнасці ААН і яе спецыялізаваных органаў у кантэксце актуальных выклікаў па шырокім коле прынцыповых пытанняў ад устойлівага эканамічнага і сацыяльнага развіцця і навакольнага асяроддзя да пашырэння правоў чалавека, абароны бежанцаў, гендарнай роўнасці і міжнароднай аховы здароўя", - звярнулі ўвагу ў МЗС.

Пастаянны прадстаўнік Беларусі пацвердзіла свой намер развіваць канструктыўны дыялог і арыентаванае на вынік супрацоўніцтва з агенцтвамі і арганізацыямі ААН. Генеральны дырэктар са свайго боку адзначыла ўклад Беларусі ў шматбаковую дыпламатыю і падкрэсліла важнасць развіцця ўзаемавыгаднага ўзаемадзеяння паміж Беларуссю і Прадстаўніцтвам ААН у Жэневе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі