Сцяг Аўторак, 16 ліпеня 2024
Усе навіны
Усе навіны
Палітыка
12 студзеня 2024, 15:30

Беларусь і Турцыя пацвердзілі гатоўнасць да развіцця палітычнага дыялогу 

12 студзеня, Мінск /Кар. БЕЛТА/. Беларусь і Турцыя пацвердзілі ўзаемную гатоўнасць да развіцця палітычнага дыялогу. Аб гэтым было заяўлена на сустрэчы міністра замежных спраў Сяргея Алейніка з Надзвычайным і Паўнамоцным Паслом Турцыі ў Беларусі Мустафой Азджанам з нагоды завяршэння яго дыпламатычнай місіі, паведамілі БЕЛТА ў прэс-службе беларускага знешнепалітычнага ведамства.

"У час сустрэчы абмеркаваны актуальныя пытанні двухбаковага парадку дня. Субяседнікі пацвердзілі ўзаемную гатоўнасць да развіцця палітычнага дыялогу, канстатавалі дадатную дынаміку гандлёва-эканамічнага супрацоўніцтва, намецілі далейшыя крокі па выкананні дамоўленасцей, дасягнутых на вышэйшым і высокім узроўнях", - расказалі ў МЗС.

Міністр падзякаваў паслу за асабісты ўклад ва ўмацаванне беларуска-турэцкіх адносін, намаганні па актывізацыі палітычных кантактаў і пашырэнні гандлёва-эканамічных сувязей.

Як паведамлялася, восенню 2023 года Беларусь і Турцыя правялі ў Анкары пасяджэнне сумеснай міжурадавай камісіі па эканамічным супрацоўніцтве. Сяргей Алейнік тады канстатаваў, што паміж бізнесам абедзвюх краін падтрымліваюцца ўстойлівыя сувязі, ёсць добрая аснова для далейшага развіцця дзелавога ўзаемадзеяння не толькі на міжурадавым і міжведамасным узроўні, але і на ўзроўні міжрэгіянальнага супрацоўніцтва.

Для нарошчвання тавараабароту харчовымі таварамі бакі дамовіліся ўмацоўваць супрацоўніцтва ў сельскай гаспадарцы. У прыватнасці, у падагульняючым пратаколе пасяджэння камісіі адзначана гатоўнасць краін да канца 2024 года завяршыць працэдуры па ветэрынарным пераліку пытанняў, накіраваным беларускім бокам, а таксама намер правесці другое пасяджэнне рабочай групы па сельскай гаспадарцы ў пачатку наступнага года.-0-
Падпісвайцеся на нас у
Twitter
Топ-навіны
Свежыя навіны Беларусі