6 снежня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Таджыкістан Віктар Дзенісенка 5 снежня сустрэўся з міністрам прамысловасці і новых тэхналогій гэтай краіны Шэралі Кабірам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
"На перагаворах кіраўніка беларускай дыпламатычнай місіі і таджыкскага міністра былі разгледжаны актуальныя пытанні супрацоўніцтва паміж Беларуссю і Таджыкістанам у гандлёва-эканамічнай сферы, а таксама перспектывы далейшага развіцця прамысловай кааперацыі паміж дзвюма краінамі", - гаворыцца ў паведамленні Міністэрства замежных спраў.
Акрамя таго, бакі падкрэслілі важнасць каардынацыі сумесных дзеянняў з мэтай пашырэння ўзаемадзеяння па ўсім спектры пытанняў, якія ўяўляюць узаемны інтарэс у розных сектарах эканомікі.-0-
