20 лютага, Мінск /Аліна Грышкевіч - БЕЛТА/. Дзяржаўны сакратар Савета бяспекі Беларусі Андрэй Раўкоў сёння правёў перагаворы з міністрам абароны Сербіі Аляксандрам Вуліным. Аб гэтым карэспандэнту БЕЛТА паведамілі ў Дзяржсакратарыяце Савета бяспекі.
На сустрэчы былі разгледжаны актуальныя пытанні беларуска-сербскага ўзаемадзеяння і асноўныя вынікі супрацоўніцтва ў галіне бяспекі. Бакі высока ацанілі дасягнуты ўзровень двухбаковых адносін у ваеннай і ваенна-тэхнічнай сферах.
Адбыўся абмен думкамі па пытаннях рэгіянальнай бяспекі і далейшага развіцця Узброеных Сіл абедзвюх дзяржаў.-0-