26 лістапада, Мінск /Кар. БЕЛТА/. Надзвычайны і Паўнамоцны Пасол Беларусі ў Румыніі Андрэй Грынкевіч наведаў размешчаны ва Усходняй Румыніі павет Вранча. Аб гэтым карэспандэнту БЕЛТА паведамілі ў беларускай загранустанове ў Румыніі.
Беларускі дыпламат сустрэўся з кіраўнікамі павета Вранча, сталіцы павета горада Факшані і камуны Думбравені і правёў прэзентацыю эканамічнага, інвестыцыйнага, турыстычнага, навуковага, адукацыйнага і культурнага патэнцыялу Рэспублікі Беларусь. Акрамя таго, быў абмеркаваны ўвесь спектр пытанняў далейшага развіцця супрацоўніцтва з Рэспублікай Беларусь, уключаючы ўстанаўленне міжрэгіянальных сувязей і пабрацімства гарадоў.
Андрэй Грынкевіч таксама правёў перагаворы з прадстаўнікамі бізнес-колаў з акцэнтам на пашырэнні прадукцыі беларускіх прадпрыемстваў і стварэнні сумесных вытворчасцей у лёгкай, дрэваапрацоўчай, будаўнічай, сельскагаспадарчай і турыстычнай галінах.-0-
