13 чэрвеня, Мінск /Аліна Грышкевіч - БЕЛТА/. Беларусь і Румынія абмяняліся канкрэтнымі прапановамі па далейшай актывізацыі міжпарламенцкага ўзаемадзеяння, паведамілі карэспандэнту БЕЛТА ў пасольстве Беларусі ў Бухарэсце.
Гэта тэматыка разглядалася на сустрэчы Надзвычайнага і Паўнамоцнага Пасла Беларусі ў Румыніі Андрэя Грынкевіча з румынскімі парламентарыямі - сенатарам, старшынёй камісіі па Еўрапейскіх справах Сената Габрыэлай Крэцу і дэпутатам Палаты дэпутатаў, членам беларуска-румынскай групы дружбы Адрыянам Амплеевым. Субяседнікі абмеркавалі шырокі спектр пытанняў беларуска-румынскага супрацоўніцтва, яго далейшай актывізацыі, у тым ліку па лініі заканадаўчых органаў, а таксама ўзаемадзеяння ў міжнародных міжпарламенцкіх арганізацыях.
Бакі віталі актывізацыю міжпарламенцкіх кантактаў у цэлым і існуючую дамоўленасць аб абмене візітамі па лініі камісіі па знешняй палітыцы ніжніх палат заканадаўчых органаў Беларусі і Румыніі.-0-
