Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Беларусь і Рэспубліка Карэя паглыбяць супрацоўніцтва ў распрацоўцы праектаў электроннага ўрада

Палітыка 05.09.2018 | 11:20
У час сустрэчы. Фота МЗС Беларусі
У час сустрэчы. Фота МЗС Беларусі

5 верасня, Мінск /Кар. БЕЛТА/. Беларусь і Рэспубліка Карэя паглыбяць супрацоўніцтва ў распрацоўцы праектаў электроннага ўрада. Такая дамоўленасць была дасягнута ў час праведзенага 4 верасня ў Сеуле пятага пасяджэння сумеснага камітэта, паведамілі БЕЛТА ў прэс-службе МЗС Беларусі.

На перагаворах бакі адзначылі, што двухбаковыя кантакты неабходна вывесці на новы ўзровень. Разам з тым было падкрэслена паспяховае ўзаемадзеянне ў галіне высокіх тэхналогій, у тым ліку ў кантэксце работы індустрыяльна-тэхнічных паркаў.

У час пасяджэння была дасягнута дамоўленасць наконт актывізацыі супрацоўніцтва па перадачы вопыту развіцця сярэдняга і малога бізнесу, а таксама ў сферы інфармацыйна-камунікацыйных тэхналогій, уключаючы распрацоўку сістэмы беспапяровага гандлю і развіццё іншых праектаў электроннага ўрада.

Беларускі бок таксама пацвердзіў сваю зацікаўленасць ва ўстанаўленні бязвізавага рэжыму з Рэспублікай Карэя на двухбаковай аснове.

У склад беларускай дэлегацыі ўвайшлі прадстаўнікі кіраўніцтва Нацыянальнай акадэміі навук, Дзяржаўнага камітэта па навуцы і тэхналогіях, Беларускага дзяржаўнага канцэрна па нафце і хіміі, Нацыянальнага агенцтва інвестыцый і прыватызацыі, а таксама эксперты Міністэрства сувязі і інфарматызацыі і Міністэрства прамысловасці. Узначаліў дэлегацыю намеснік міністра замежных спраў Андрэй Дапкюнас.

Па выніках сустрэчы быў падпісаны Пратакол пасяджэння, у якім адлюстраваны асноўныя дамоўленасці. Наступная сустрэча Сумеснага камітэта запланавана да правядзення ў Мінску.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.