4 лістапада, Мінск /Кар. БЕЛТА/. Беларусь і Расія маюць намер заключыць міжнародны дагавор аб агульных прынцыпах падаткаабкладання. Аб гэтым паведаміў прэм'ер-міністр Беларусі Раман Галоўчанка на пасяджэнні Вышэйшага дзяржаўнага савета Саюзнай дзяржавы, перадае карэспандэнт БЕЛТА.
Паводле слоў Рамана Галоўчанкі, важнейшым напрамкам узаемадзеяння Беларусі і Расіі стане гарманізацыя падатковага і мытнага заканадаўства. "Мы шмат працавалі над гэтай картай. Яна сапраўды даволі складаная, але ў той жа час вельмі дакладная, зразумелая і вымерная", - адзначыў кіраўнік урада.
Краінам трэба будзе ўкараніць інтэграваную сістэму адміністравання ўскосных падаткаў і заключыць міжнародны дагавор аб агульных прынцыпах падаткаабкладання ў частцы ўскосных падаткаў. Акрамя таго, плануецца стварыць сумесныя кансультатыўныя органы Саюзнай дзяржавы па падатковых і мытных пытаннях.-0-