7 лютага, Масква /Эдуард Півавар -БЕЛТА/. Урад Расіі адобрыў праект пагаднення з урадам Беларусі аб супрацоўніцтве ў галіне аказання гуманітарнай дапамогі Сірыйскай Арабскай Рэспубліцы. Дакумент апублікаваны на расійскім афіцыйным партале прававой інфармацыі, паведамляе БЕЛТА.
"Адобрыць прадстаўлены Мінабароны Расіі ўзгоднены з МЗС Расіі і іншымі зацікаўленымі федэральнымі органамі выканаўчай улады, Вярхоўным судом РФ, Следчым камітэтам РФ і папярэдне прапрацаваны з беларускім бокам праект пагаднення паміж урадам РФ і ўрадам Рэспублікі Беларусь аб супрацоўніцтве ў галіне аказання гуманітарнай дапамогі Сірыйскай Арабскай Рэспубліцы. Даручыць Мінабароны Расіі правесці сумесна з МЗС Расіі перагаворы з беларускім бокам і пасля дасягнення дамоўленасці падпісаць ад імя ўрада РФ названае пагадненне, дазволіўшы ўносіць у прыкладзены праект змяненні, не маючыя прынцыповага характару", - гаворыцца ў пастанове расійскага Кабінета міністраў.
"Гэтым пагадненнем рэгулююцца пытанні, звязаныя з удзелам беларускага воінскага кантынгенту сумесна з адпаведнымі падраздзяленнямі УС РФ у дзейнасці па аказанні гуманітарнай дапамогі на тэрыторыі Сірыйскай Арабскай Рэспублікі. Беларускі воінскі кантынгент прыцягваецца да выканання мерапрыемстваў выключна ў гуманітарных мэтах па-за зонай баявых дзеянняў", - гаворыцца ў праекце дакумента.
"У перыяд знаходжання на тэрыторыі Сірыі беларускі воінскі кантынгент размяшчаецца ў месцах дыслакацыі расійскай авіяцыйнай групы", - удакладняецца ў праекце пагаднення.-0-
