ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Малавоблачна -13°C
Усе навіны
Усе навіны
Палітыка
24 лістапада 2021, 09:00

Беларусь і Расія абмеркавалі шляхі нарошчвання ўзаемадзеяння па міжнароднай інфармбяспецы

Андрэй Круцкіх і Сяргей Алейнік. Фота МЗС
Андрэй Круцкіх і Сяргей Алейнік. Фота МЗС

24 лістапада, Мінск /Кар. БЕЛТА/. Намеснік міністра замежных спраў Рэспублікі Беларусь Сяргей Алейнік 23 лістапада сустрэўся са спецыяльным прадстаўніком Прэзідэнта Расійскай Федэрацыі па пытаннях міжнароднага супрацоўніцтва ў галіне інфармацыйнай бяспекі - дырэктарам Дэпартамента міжнароднай інфармацыйнай бяспекі МЗС Расіі Андрэем Круцкіх. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Расійскі прадстаўнік знаходзіцца ў Мінску для ўдзелу ў беларуска-расійскіх кансультацыях паміж МЗС па тэматыцы міжнароднай інфармацыйнай бяспекі. Субяседнікі канстатавалі высокі ўзровень узаемадзеяння і ўзаемнай падтрымкі Беларусі і Расіі па праблематыцы міжнароднай інфармацыйнай бяспекі ў рамках профільных міжнародных арганізацый. Яны адзначылі неабходнасць сумеснага пашырэння пытанняў гэтай тэматыкі на міжнародных пляцоўках.

Намеснік міністра павіншаваў расійскі бок з прыняццем кансэнсусам першым камітэтам Генеральнай асамблеі ААН расійска-амерыканскай рэзалюцыі "Дасягненні ў сферы інфарматызацыі і тэлекамунікацый у кантэксце міжнароднай бяспекі і падтрыманне адказных паводзін дзяржаў у сферы прымянення інфармацыйна-камунікацыйных тэхналогій".

У ходзе кансультацый паміж МЗС адбыўся зацікаўлены абмен думкамі па шырокім спектры пытанняў міжнароднай інфармацыйнай бяспекі. Бакі прадметна абмеркавалі шляхі нарошчвання ўзаемадзеяння па міжнароднай інфармацыйнай бяспецы на пляцоўках ААН, АБСЕ, СНД і АДКБ, а таксама далейшай актывізацыі двухбаковага супрацоўніцтва ў гэтай галіне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі