15 кастрычніка, Мінск /Аліна Грышкевіч - БЕЛТА/. Беларусь і Расія абмеркавалі падыходы да выбудоўвання дыялогу з ЗША і Канадай. Інфармацыю аб гэтым прэс-служба беларускага Міністэрства замежных спраў размясціла на сваёй старонцы ў Facebook, паведамляе карэспандэнт БЕЛТА.
Гэта тэма разглядалася ў Маскве на кансультацыях, якія адбыліся на ўзроўні кіраўнікоў профільных падраздзяленняў знешнепалітычных ведамстваў Беларусі і Расіі па пытаннях адносін са Злучанымі Штатамі Амерыкі і Канадай. "Бакі абмеркавалі стан адносін Беларусі і Расіі з ЗША і Канадай, падыходы да выбудоўвання дыялогу з гэтымі краінамі", - гаворыцца ў паведамленні.
Беларускую дэлегацыю на кансультацыях узначаліў начальнік галоўнага ўпраўлення Еўропы і Паўночнай Амерыкі МЗС Андрэй Бушыла, расійскую - дырэктар дэпартамента Паўночнай Амерыкі МЗС Георгій Барысенка.-0-