17 мая, Мінск /Уладзімір Мацвееў - БЕЛТА/. Міністр замежных спраў Беларусі Уладзімір Макей правёў сустрэчу з паслом Пакістана Лінай Салім Маазам з нагоды завяршэння яе дыпламатычнай місіі ў Беларусі. Аб гэтым БЕЛТА паведамілі ў прэс-службе беларускага знешнепалітычнага ведамства.
На сустрэчы бакі адзначылі наяўнасць істотнага патэнцыялу для нарошчвання беларуска-пакістанскага палітычнага дыялогу і гандлёва-эканамічнага супрацоўніцтва і выказалі ўзаемную зацікаўленасць у павышэнні дынамікі ўзаемадзеяння на ўсіх узроўнях.
Міністр выказаў удзячнасць паслу Пакістана за яе работу, накіраваную на развіццё адносін дзвюх краін.-0-