13 кастрычніка, Мінск /Кар. БЕЛТА/. Міністр замежных спраў Беларусі Уладзімір Макей правёў сустрэчу з міністрам замежных спраў, знешняга гандлю і інвестыцый Кыргызстана Русланам Казакбаевым. Аб гэтым БЕЛТА паведамілі ў прэс-службе МЗС Беларусі.
Кіраўнікі знешнепалітычных ведамстваў дзвюх краін абмеркавалі шырокі спектр пытанняў двухбаковага супрацоўніцтва, актуальныя пытанні міжнароднага парадку дня, узаемадзеяння ў інтэграцыйных аб'яднаннях, улічваючы старшынства Беларусі ў СНД.
"Падкрэслена важнасць далейшага развіцця актыўных і змястоўных кантактаў па лініі знешнепалітычных ведамстваў Беларусі і Кыргызстана. Па выніках сустрэчы намечаны крокі па далейшым развіцці беларуска-кыргызскага супрацоўніцтва ў палітычнай, гандлёва-эканамічнай і гуманітарнай сферах, узаемнай падтрымцы на міжнароднай арэне", - расказалі ў міністэрстве.-0-
Фота Максіма Гучака
