8 лістапада, Мінск /Кар. БЕЛТА/. У Кувейце прайшоў першы ў гісторыі двухбаковых адносін раўнд палітычных кансультацый паміж міністэрствамі замежных спраў Беларусі і Кувейта. Аб гэтым БЕЛТА паведамілі ў прэс-службе МЗС Беларусі.
Беларускую дэлегацыю на кансультацыях узначаліў намеснік міністра замежных спраў Мікалай Барысевіч, кувейцкую - намеснік міністра замежных спраў па краінах Еўропы Насер аль-Гейн. Падчас перагавораў бакі абмеркавалі розныя напрамкі двухбаковага супрацоўніцтва, таксама ўлічваючы, што ў 2022 годзе адбудзецца 30-годдзе ўстанаўлення дыпламатычных адносін паміж Беларуссю і Кувейтам.
"Дасягнута прынцыповая згода аб павышэнні ўзроўню і інтэнсіфікацыі палітычнага дыялогу паміж дзвюма краінамі ў бліжэйшы час, развіцці дагаворна-прававой базы, падтрыманні высокага ўзроўню ўзаемадзеяння ў міжнародных арганізацыях", - расказалі ў прэс-службе знешнепалітычнага ведамства.
Асаблівая ўвага падчас перагавораў была ўдзелена актывізацыі гандлёва-эканамічнага супрацоўніцтва, аднаўленню работы сумеснай камісіі па эканамічным, гандлёвым і тэхнічным супрацоўніцтве, далейшаму садзейнічанні развіццю дзелавых кантактаў. Абмеркаваны таксама перспектывы ўзаемадзеяння ў галіне адукацыі, культуры і турызму.-0-
