ДЗЯРЖОРГАНЫДЗЯРЖОРГАНЫ
Флаг Аўторак, 25 студзеня 2022
Мінск 0°C
Усе навіны
Усе навіны
Палітыка
08 лістапада 2021, 19:37

Беларусь і Кувейт абмеркавалі актывізацыю кантактаў паміж дзелавымі коламі дзвюх краін

Фота МЗС
Фота МЗС

8 лістапада, Мінск /Кар. БЕЛТА/. Намеснік міністра замежных спраў Беларусі Мікалай Барысевіч падчас візіту ў Кувейт для ўдзелу ў беларуска-кувейцкіх кансультацыях паміж міністэрствамі замежных спраў правёў шэраг двухбаковых сустрэч, паведамілі БЕЛТА ў прэс-службе МЗС.

У ходзе сустрэчы са сустаршынёй кувейцкай часткі сумеснай камісіі па эканамічным, гандлёвым і тэхнічным супрацоўніцтве в.а. намесніка міністра фінансаў Асіль аль-Саад аль-Менаіфі была падкрэслена важнасць аднаўлення паўнацэннай работы камісіі і падтрымана прапанова беларускага боку аб правядзенні пасяджэння ў першай палове 2022 года. На сустрэчы былі абмеркаваны некаторыя арганізацыйныя пытанні работы гэтага двухбаковага органа, а таксама тэматычнага напаўнення яго наступнага пасяджэння.

На сустрэчы са старшынёй Гандлёва-прамысловай палаты Кувейта Мухамедам аль-Сакрам закраналіся пытанні актывізацыі кантактаў паміж дзелавымі коламі дзвюх краін. Абмеркавана магчымасць арганізацыі візіту дэлегацыі прадстаўнікоў дзелавых колаў Беларусі ў Кувейт у прывязцы да правядзення чарговага пасяджэння сумеснай камісіі па эканамічным, гандлёвым і тэхнічным супрацоўніцтве. Кувейцкі бок пацвердзіў гатоўнасць інтэнсіфікаваць кантакты з Беларускай гандлёва-прамысловай палатай, таксама з улікам перададзенага запрашэння кіраўніку Гандлёва-прамысловай палаты Кувейта наведаць Беларусь.

Мікалай Барысевіч таксама абмеркаваў з генеральным дырэктарам Кувейцкага фонду арабскага эканамічнага развіцця Марванам аль-Ганемам ход рэалізацыі праекта будаўніцтва Гродзенскага абласнога клінічнага анкалагічнага дыспансера і перспектывы сумеснага фінансавання фондам чарговага праекта сацыяльнай накіраванасці ў Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі