17 чэрвеня, Мінск /Кар. БЕЛТА/. Намеснік міністра замежных спраў Рэспублікі Беларусь Юрый Амбразевіч 16 чэрвеня сустрэўся з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Се Сяаюнам. Аб гэтым карэспандэнту БЕЛТА паведамілі ў знешнепалітычным ведамстве нашай краіны.
"У ходзе сустрэчы намеснік міністра і кіраўнік дыпламатычнай місіі скаардынавалі падыходы па ўзаемадзеянні Беларусі і Кітая ў ААН і іншых міжнародных арганізацыях у мэтах недапушчэння палітызацыі мандатаў названых структур і адстойвання нацыянальных інтарэсаў на міжнародных пляцоўках", - гаворыцца ў паведамленні беларускага Міністэрства замежных спраў.
На перагаворах субяседнікі пацвердзілі гатоўнасць падтрымліваць цеснае супрацоўніцтва па актуальных пытаннях міжнароднага парадку дня па лініі знешнепалітычных ведамстваў дзвюх дзяржаў.
Рэспубліка Беларусь і Кітайская Народная Рэспубліка ўстанавілі дыпламатычныя адносіны ў 1992 годзе. У 2022 годзе адзначаецца 30-гадовы юбілей беларуска-кітайскіх дыпламатычных адносін.-0-
