30 чэрвеня, Мінск /Кар. БЕЛТА/. Надзвычайны і Паўнамоцны пасол Беларусі ў Кеніі Павел Узяткін сустрэўся са спікерам Нацыянальнай асамблеі Кеніі Джасцінам Мутуры, паведамілі БЕЛТА ў прэс-службе знешнепалітычнага ведамства.
Дыпламат праінфармаваў аб кампетэнцыях і дзейнасці беларускага парламента ў сферы міжнародных адносін і выказаў зацікаўленасць у пашырэнні міжпарламенцкага ўзаемадзеяння дзвюх краін. "Спікер Нацыянальнай асамблеі Кеніі адзначыў важнасць фарміравання дагаворна-прававой базы двухбаковага супрацоўніцтва як асновы для комплекснага развіцця беларуска-кенійскіх адносін. Джасцін Мутуры пацвердзіў гатоўнасць парламента Кеніі аказваць садзейнічанне ў рэалізацыі сумесных ініцыятыў па розных напрамках", - расказалі ў МЗС.-0-
