25 сакавіка, Мінск /Аліна Грышкевіч - БЕЛТА/. Беларусь і Іспанія рыхтуюцца да правядзення другога пасяджэння сумеснай міжурадавай камісіі па эканамічным і прамысловым супрацоўніцтве. Аб гэтым карэспандэнту БЕЛТА паведамілі ў пасольстве Беларусі ў Мадрыдзе.
Надзвычайны і Паўнамоцны Пасол Беларусі ў Іспаніі Павел Пуставой сустрэўся з генеральным дырэктарам па справах Паўночнай Амерыкі, Усходняй Еўропы, Азіі і Ціхаакіянскага рэгіёна Міністэрства замежных спраў, Еўрапейскага саюза і міжнароднага супрацоўніцтва Іспаніі Анай Марыяй Саламон Пэрэс. Бакі абмеркавалі развіццё гандлёва-эканамічнага супрацоўніцтва паміж дзвюма дзяржавамі, вялікую ўвагу на сустрэчы надалі дэталям пасяджэння сумеснай міжурадавай прававой камісіі па эканамічным і прамысловым супрацоўніцтве, што пройдзе ў гэтым годзе ў Мадрыдзе.
Таксама ў цэнтры ўвагі былі пытанні правядзення чарговага раўнда беларуска-іспанскіх кансультацый паміж знешнепалітычнымі ведамствамі. Акрамя таго, разглядалася рэалізацыя дасягнутых раней дамоўленасцей, развіццё міжрэгіянальнага супрацоўніцтва, рэалізацыя праектаў у гуманітарнай сферы.
Прадстаўнік Міністэрства замежных спраў Іспаніі пажадала Паўлу Пуставому поспехаў у выкананні яго дыпламатычнай місіі.-0-
