7 ліпеня, Мінск /Кар. БЕЛТА/. Пытанні ўмацавання беларуска-іранскага супрацоўніцтва абмеркаваны на сустрэчы міністра замежных спраў Беларусі Уладзіміра Макея з Надзвычайным і Паўнамоцным Паслом Ірана Саідам Яры. Аб гэтым БЕЛТА паведамілі ў прэс-службе беларускага знешнепалітычнага ведамства.
"Бакі абмеркавалі актуальны парадак дня беларуска-іранскіх адносін, уключаючы пытанні развіцця палітычнага дыялогу і актывізацыі эканамічнага супрацоўніцтва паміж краінамі", - расказалі ў міністэрстве.
Як адзначылі ў прэс-службе МЗС, былі намечаны канкрэтныя сумесныя крокі па ўмацаванні беларуска-іранскага супрацоўніцтва ва ўмовах новых глабальных і рэгіянальных выклікаў.-0-
