ДЗЯРЖОРГАНЫДЗЯРЖОРГАНЫ
Серада, 8 ліпеня 2020
Мінск Пераменная воблачнасць +15°C
Усе навіны
Усе навіны
Палітыка
02 чэрвеня 2020, 18:54

Беларусь і Германія правялі кансультацыі па супрацоўніцтве ў сферах палітыкі і эканомікі

Алег Краўчанка. Фота МЗС
Алег Краўчанка. Фота МЗС

2 чэрвеня, Мінск /Кар. БЕЛТА/. Беларусь і Германія ў фармаце відэаканферэнцыі правялі пасяджэнне стратэгічнай кансультатыўнай групы, паведамілі БЕЛТА ў прэс-службе МЗС.

Пасяджэнне прайшло пад старшынствам намесніка міністра замежных спраў Беларусі Алега Краўчанкі і ўпаўнаважанага Міністэрства замежных спраў ФРГ па Усходняй Еўропе, Каўказе і Цэнтральнай Азіі Міхаэля Зіберта.

У час відэаканферэнцыі бакі абмяняліся думкамі аб магчымасцях пашырэння і прыярытэтах супрацоўніцтва ў сферах палітыкі, бяспекі, эканомікі, энергетыкі, лічбавізацыі, экалогіі і ўстойлівага развіцця, у тым ліку ў кантэксце эпідэміі каранавіруса.

Стратэгічная кансультатыўная група Беларусь - Германія створана ў адпаведнасці з дамоўленасцямі паміж міністрамі замежных спраў. У яе склад уваходзяць прадстаўнікі ўрадавых, парламенцкіх, эканамічных, навуковых і грамадскіх колаў дзвюх краін. Першае пасяджэнне групы прайшло 12 лютага ў Берліне.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі