31 кастрычніка, Мінск /Аліна Грышкевіч - БЕЛТА/. Па ініцыятыве еўрапейскіх партнёраў дзяржаўны сакратар Савета бяспекі Беларусі Станіслаў Зась прыняў намесніка генеральнага дырэктара Еўракамісіі па пытаннях суседства і перагавораў аб пашырэнні ЕС Мацея Папоўскага. Аб гэтым карэспандэнту БЕЛТА паведамілі ў Дзяржсакратарыяце Савета бяспекі.
На сустрэчы абмеркаваны праблематыка міжнароднай і рэгіянальнай бяспекі, а таксама актуальныя пытанні беларуска-еўрапейскага ўзаемадзеяння.
Прадстаўніку Еўракамісіі даведзена зацікаўленасць ва ўзгадненні Прыярытэтаў партнёрства і пачатку перагавораў па базавым пагадненні паміж Беларуссю і ЕС.
Станоўчая ацэнка дадзена вынікам рэалізацыі сумесных з Еўрапейскім саюзам праектаў у сферы эфектыўнага кіравання граніцамі, забеспячэння бяспекі і міграцыі. Выказаны прапановы па пытанні зняцця санкцый ЕС адносна Беларусі.
Акрамя таго, бакі абмеркавалі перспектыўныя напрамкі далейшага ўзаемадзеяння ў галіне бяспекі.-0-