Мабільная версія
ДЗЯРЖОРГАНЫ
Апошнія навіны
Усе навіны

Беларусь і ЕС абмеркавалі ўзаемадзеянне ў сферы правоў чалавека

Палітыка 18.07.2018 | 09:44
У час сустрэчы. Фота МЗС
У час сустрэчы. Фота МЗС

18 ліпеня, Мінск /Кар. БЕЛТА/. Пяты раўнд дыялогу па правах чалавека паміж Беларуссю і Еўрапейскім саюзам адбыўся 17 ліпеня ў Мінску. Аб гэтым БЕЛТА паведамілі ў прэс-службе беларускага знешнепалітычнага ведамства.

На мерапрыемстве абмеркаваны бягучы стан і перспектывы далейшага ўзаемадзеяння паміж Беларуссю і ЕС у сферы правоў чалавека, у тым ліку ў кантэксце рэалізацыі Нацыянальнага плана дзеянняў па правах чалавека і рэкамендацый у рамках Універсальнага перыядычнага агляду Савета па правах чалавека ААН. Увага была таксама ўдзелена пытанням захавання правоў чалавека як у Беларусі, так і ў шэрагу краін - членаў ЕС.

Дэлегацыю Беларусі ўзначаліў намеснік міністра замежных спраў Алег Краўчанка, дэлегацыю ЕС - начальнік упраўлення двухбаковага супрацоўніцтва з краінамі "Усходняга партнёрства" Еўрапейскай службы знешніх дзеянняў (ЕСЗД) Дзірк Шубель.

У час сустрэчы
У час сустрэчы'

У пасяджэнні таксама прынялі ўдзел прадстаўнікі Палаты прадстаўнікоў Нацыянальнага сходу, міністэрстваў замежных спраў, юстыцыі, унутраных спраў, адукацыі, працы і сацыяльнай абароны, Цэнтральнай камісіі па выбарах і правядзенні рэспубліканскіх рэферэндумаў.

У склад дэлегацыі Еўрасаюза ўвайшлі супрацоўнікі профільных падраздзяленняў ЕСЗД, Еўрапейскай камісіі, а таксама прадстаўнікі краін - членаў ЕС (у якасці наглядальнікаў).

У абмеркаванні асобных пытанняў парадку дня прынялі ўдзел прадстаўнікі беларускіх няўрадавых арганізацый.-0-

Фота МЗС

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2018 года ў Беларусі налічвалася 8501,6 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна с плошчай Аўстрыі.