18 чэрвеня, Мінск /Кар. БЕЛТА/. Па ініцыятыве еўрапейскага боку 17 чэрвеня адбылася тэлефонная размова міністра замежных спраў Беларусі Уладзіміра Макея з еўрапейскім камісарам па пытаннях суседства і расшырэння ЕС Оліверам Вархеі. Аб гэтым БЕЛТА паведамілі ў прэс-службе беларускага МЗС.
Субяседнікі абмеркавалі вынікі праведзенай 11 чэрвеня віртуальнай сустрэчы міністраў замежных спраў дзяржаў - удзельніц "Усходняга партнёрства" і падрыхтоўку да маючай адбыцца 18 чэрвеня відэаканферэнцыі кіраўнікоў дзяржаў і ўрадаў краін "Усходняга партнёрства".
Бакі абмяняліся таксама меркаваннямі па шырокім спектры пытанняў беларуска-еўрапейскага ўзаемадзеяння.-0-
