17 студзеня, Масква /Эдуард Півавар - БЕЛТА/. Магчымасці актывізацыі беларуска-чарнагорскага супрацоўніцтва ў розных сферах разгледжаны сёння на сустрэчы ў Маскве Надзвычайнага і Паўнамоцнага Пасла Беларусі ў Расіі Уладзіміра Сямашкі з Надзвычайным і Паўнамоцным Паслом Чарнагорыі ў Беларусі (па сумяшчальніцтве) Рамізам Башычам. Аб гэтым БЕЛТА паведамілі ў прэс-службе беларускага дыппрадстаўніцтва.
"Бакі абмеркавалі пытанні актывізацыі супрацоўніцтва ў палітычнай, эканамічнай, турыстычнай сферах, - адзначылі ў дыпмісіі. - Асобная ўвага была ўдзелена маючаму адбыцца візіту Раміза Башыча ў Мінск".
Дыпламатычныя адносіны паміж Беларуссю і Чарнагорыяй устаноўлены 8 жніўня 2006 года.-0-