17 сакавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Індыя і Народнай Рэспубліцы Бангладэш па сумяшчальніцтве Андрэй Ржавускі 16 сакавіка ў горадзе Дака сустрэўся з намеснікам міністра замежных спраў Бангладэш Шабірам Ахмадам Чаўдхары. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
На сустрэчы бакі абмеркавалі шырокі комплекс пытанняў беларуска-бангладэшскага супрацоўніцтва ў палітычнай, гандлёва-эканамічнай, навукова-тэхнічнай, адукацыйнай, культурнай сферах і правялі аналіз двухбаковай дагаворна-прававой базы. Субяседнікі таксама абмяняліся думкамі аб перспектывах правядзення ў канцы бягучага - пачатку наступнага года чарговага раўнда кансультацый паміж знешнепалітычнымі ведамствамі Беларусі і Бангладэш.
Асобная ўвага была ўдзелена тэме ўзаемадзеяння дзвюх краін у міжнародных арганізацыях.-0-
