Сцяг Пятніца, 29 сакавіка 2024
Усе навіны
Усе навіны
Палітыка
18 жніўня 2021, 17:13

Беларусь і Азербайджан пацвердзілі зацікаўленасць у развіцці ваенна-тэхнічнага супрацоўніцтва

 18 жніўня, Мінск /Кар. БЕЛТА/. Беларусь і Азербайджан пацвердзілі зацікаўленасць у развіцці ваенна-тэхнічнага супрацоўніцтва па шырокім спектры напрамкаў. Аб гэтым БЕЛТА паведаміў афіцыйны прадстаўнік Дзяржкамваенпрама па інфармацыі і сувязях з грамадскасцю Уладзімір Лаўранюк.

У Стамбуле 17 жніўня адкрылася 15-я Міжнародная выстаўка абароннай прамысловасці IDEF-2021, якая ўваходзіць у дзясятку буйнейшых сусветных выставак абароннай прамысловасці і з'яўляецца адным з найбольш значных паказаў узбраенняў у Еўропе.

У першы дзень выстаўкі IDEF прайшла сумесная сустрэча і перагаворы старшыні Дзяржаўнага ваенна-прамысловага камітэта Беларусі Дзмітрыя Пантуса з міністрам абароны Азербайджана генерал-палкоўнікам Закірам Гасанавым і міністрам абароннай прамысловасці Азербайджана Мадатам Гуліевым.

Бакі абмеркавалі бягучы стан ваенна-тэхнічнага супрацоўніцтва, пацвердзілі зацікаўленасць у яго развіцці па шырокім спектры напрамкаў.

Выстаўка прадоўжыцца па 20 жніўня.-0-
Падпісвайцеся на нас у
Twitter
Топ-навіны
Свежыя навіны Беларусі