14 чэрвеня, Мінск /Аліна Грышкевіч - БЕЛТА/. Беларусь і Арменія вызначылі агульнасць знешнепалітычных падыходаў да супрацоўніцтва ў інтэграцыйных структурах. Гэта тэматыка разглядалася на сустрэчы намесніка міністра замежных спраў Беларусі Андрэя Дапкюнаса з Надзвычайным і Паўнамоцным Паслом Арменіі ў Беларусі Арменам Гевандзянам, паведамілі БЕЛТА прэс-службе МЗС.
Бакі абмеркавалі асноўныя напрамкі беларуска-армянскага супрацоўніцтва ў АДКБ і іншых інтэграцыйных структурах.
Намеснік міністра і пасол абмяняліся думкамі аб шляхах актывізацыі канструктыўнага ўзаемадзеяння дзвюх краін у міжнародных арганізацыях і ў шматбаковым фармаце. Яны таксама абмеркавалі тэму падрыхтоўкі да II Еўрапейскіх гульняў, якія пачнуцца ў Мінску 21 чэрвеня.-0-
