Мабільная версія
ДЗЯРЖОРГАНЫ
Апошнія навіны
Усе навіны

Беларусь адзначае прагрэс па прыярытэтных напрамках супрацоўніцтва з Венгрыяй

Палітыка 06.11.2018 | 18:43
Фота з архіва
Фота з архіва

6 лістапада, Мінск /Кар. БЕЛТА/. Беларусь адзначае прагрэс у дыялогу з Венгрыяй па прыярытэтных напрамках двухбаковага супрацоўніцтва. Аб гэтым заявіў журналістам намеснік міністра замежных спраў Беларусі Алег Краўчанка па выніках дзявятага пасяджэння беларуска-венгерскай міжурадавай камісіі па эканамічным супрацоўніцтве, перадае карэспандэнт БЕЛТА.

"Сёння з венгерскім бокам мы адзначылі прагрэс з моманту восьмага пасяджэння ў Будапешце (беларуска-венгерскай міжурадавай камісіі. - Заўвага БЕЛТА) па шэрагу прыярытэтных сфер двухбаковага ўзаемадзеяння. Мы дамовіліся і далей пашыраць супрацоўніцтва па такіх напрамках, як сельская і водная гаспадарка, харчовая прамысловасць, банкаўская, фінансавая, інвестыцыйная сферы, стандартызацыя, навука і інавацыі, будаўніцтва, турызм, адукацыя", - паведаміў Алег Краўчанка.

Намеснік міністра адзначыў рост з 2017 года гандлёвага абароту, пры гэтым як тавараў, так і паслуг. Развіваецца новы напрамак - будаўніцтва, у ліпені 2018 года было створана сумеснае беларуска-венгерскае прадпрыемства ў гэтай сферы. "Спадзяюся, што гэтыя тэндэнцыі мы зможам не толькі захаваць, але і пашырыць", - сказаў ён.

Алег Краўчанка назваў прарывам завяршэнне работы над праектам пагаднення паміж урадамі Беларусі і Венгрыі аб садзейнічанні ажыццяўленню і ўзаемнай абароне інвестыцый. Ён выказаў упэўненасць, што заключэнне пагаднення паслужыць дадатковым стымулам да рэалізацыі інвестыцыйных праектаў на тэрырорыі дзвюх краін.

У сваю чаргу дзяржаўны сакратар Міністэрства замежных спраў і знешняга гандлю Венгрыі Чаба Балаг адзначыў, што Беларусь і Венгрыя павінны больш інтэнсіўна выкарыстоўваць магчымасці двухбаковага супрацоўніцтва.

Пасяджэнні беларуска-венгерскай міжурадавай камісіі па эканамічным супрацоўніцтве і спадарожныя ім бізнес-форумы праводзяцца з 2009 года. Створаны рабочыя групы па супрацоўніцтве ў сферы турызму, навукова-тэхнічным узаемадзеянні.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.