24 лютага, Мінск /Кар. БЕЛТА/. Беларусь адкрые генеральнае консульства ў Санкт-Пецярбургу да 1 ліпеня. Гэта прадугледжана пастановай Савета Міністраў ад 23 лютага 2023 года нумар 145, якая афіцыйна апублікавана на Нацыянальным інтэрнэт-партале, паведамляе БЕЛТА.
Урад пастанавіў да 1 ліпеня закрыць аддзяленне пасольства Беларусі і Расіі, якое знаходзіцца ў Санкт-Пецярбургу, і ўжо з 1 ліпеня адкрыць генеральнае консульства.
Міністэрства фінансаў будзе фінансаваць расходы на адкрыццё і ўтрыманне генконсульства Беларусі ў Санкт-Пецярбургу ў межах сродкаў, прадугледжаных Міністэрству замежных спраў у рэспубліканскім бюджэце на адкрыццё і ўтрыманне дыпламатычных прадстаўніцтваў і консульскіх устаноў за мяжой.
Пастанова ўступае ў сілу з дня яе афіцыйнага апублікавання.-0-
