1 красавіка, Мінск /Кар. БЕЛТА/. Нельга дыскрымінаваць бежанцаў па прыкмеце этнічнай прыналежнасці, заявіў карэспандэнту БЕЛТА палітолаг Вадзім Баравік.
"Нормы міжнароднага гуманітарнага права маюць універсальны характар. Калі мы гаворым аб пытаннях абароны правоў бежанцаў, асоб, якія пацярпелі ад наступстваў ваенных канфліктаў, то арганізацыі, якія працуюць у рамках ААН, іншыя гуманітарныя арганізацыі заклікаюць і патрабуюць, згодна з нормамі права, ставіцца да іх абсалютна аднолькава. Нельга дыскрымінаваць па прыкмеце расавай прыналежнасці, прыналежнасці да той ці іншай краіны і гэтак далей. І вось тут аб'ектыўна ўзнікае здзіўленне наконт таго, як не так даўно Польшча ставілася да бежанцаў на польска-беларускай граніцы. Мы памятаем, што супраць бежанцаў накіравалі ў бок сумежнай дзяржавы вадамёты, размясцілі вялікі кантынгент узброеных сіл для стрымлівання. Былі факты, што гэтыя бежанцы збіваліся і падвяргаліся негуманнаму абыходжанню", - сказаў Вадзім Баравік.
Палітолаг адзначыў: гэтыя факты добра вядомы ўсім. "Уся Беларусь жыла гэтым. Мы бачылі гэтых бежанцаў і гэту бойню на граніцы, якую ўчынілі палякі. Яны ж ішлі з мірнымі намерамі, і нават не ў Польшчу, яны хацелі ў Германію. Але іх, калі яны мірна ішлі, пачалі мужчын, жанчын і дзяцей паліваць з вадамётаў і выганяць з граніцы, - нагадаў ён. - Тут іншая сітуацыя. Вядома, ва Украіне, ніхто не спрачаецца, сітуацыя складаная. Мае месца гуманітарная напружанасць, нават гуманітарная катастрофа. Зразумела, людзі бягуць, і яны маюць патрэбу ў дапамозе. Але стаўленне да іх зусім іншае. Гэта значыць іх прымаюць, іх хочуць бачыць на сваёй тэрыторыі. Узнікае пытанне: чаму (па этнічнай прыкмеце, скажам так, або па прыкмеце прыналежнасці да той ці іншай краіны) гэтых бежанцаў лічаць людзьмі першага сорту, а тых бежанцаў - людзьмі другога сорту? Тым больш што бежанцы, якія ехалі з краін Блізкага Усходу, таксама пацярпелі ад ваеннага канфлікту".-0-
