ДЗЯРЖОРГАНЫДЗЯРЖОРГАНЫ
Флаг Субота, 1 кастрычніка 2022
Мінск Малавоблачна +9°C
Усе навіны
Усе навіны
Палітыка
18 мая 2022, 13:07

Андрэйчанка: Венесуэла для Беларусі з'яўляецца ключавым партнёрам у лацінаамерыканскім рэгіёне

Фота з архіва
Фота з архіва

18 мая, Мінск /Кар. БЕЛТА/. Венесуэла для Беларусі з'яўляецца ключавым партнёрам у лацінаамерыканскім рэгіёне, заявіў старшыня Палаты прадстаўнікоў Уладзімір Андрэйчанка ў час сустрэчы з Надзвычайным і Паўнамоцным Паслом Баліварыянскай Рэспублікі Венесуэла ў Рэспубліцы Беларусь Франклінам Рамірэсам Араке, перадае карэспандэнт БЕЛТА.

"Нашы сустрэчы ў парламенце становяцца добрай традыцыяй. Гэта, вядома, добры знак для далейшага развіцця супрацоўніцтва нашых краін і наладжвання больш цесных палітычных, гандлёва-эканамічных, гуманітарных сувязей. Хачу адзначыць, што Венесуэла для Беларусі з'яўляецца ключавым, перспектыўным партнёрам у лацінаамерыканскім рэгіёне. І мы, вядома ж, вельмі цэнім тую дружбу, якая склалася паміж нашымі краінамі і народамі, - сказаў Уладзімір Андрэйчанка. - У мінулым годзе прэзідэнты нашых краін назначылі сваіх спецпрадстаўнікоў, яны абмяняліся візітамі. Намечаны шляхі актывізацыі міжурадавых адносін, па перазапуску эканамічных праектаў - у нас сумесныя прадпрыемствы ў машынабудаванні былі створаны, сельскай гаспадарцы, будаўніцтве. Важна, што гэтыя спецпрадстаўнікі вызначылі шляхі і напрамкі нашага далейшага супрацоўніцтва".

Спікер адзначыў, што развіццё набывае і наша міжпарламенцкае супрацоўніцтва. "Гэтымі днямі я атрымаў Пасланне ад старшыні Нацыянальнай асамблеі Венесуэлы з пажаданнямі аднавіць дзейнасць рабочых груп паміж нашымі парламентамі. Мы гэта пытанне абмяркоўвалі ў час візіту спадара Чавеса ў 2021 годзе і сустрэчы ў парламенце. Таму я поўнасцю падзяляю меркаванне старшыні Нацыянальнай асамблеі Венесуэлы аб неабходнасці развіцця і актывізацыі міжпарламенцкага дыялогу паміж Беларуссю і Венесуэлай. Заўсёды ў нас гэтыя адносіны былі выбудаваны на аснове павагі, салідарнасці, дружбы, падтрымкі ў міжпарламенцкіх арганізацыях, - падкрэсліў ён. - Мы са свайго боку таксама ствараем такую рабочую групу. Персанальны склад канчаткова таксама будзе сфарміраваны ў самы бліжэйшы час. І мы гэты персанальны склад перададзім венесуэльскаму боку па дыпламатычных каналах".

"Пасля завяршэння гэтай арганізацыйнай работы, думаю, будзе дарэчы правесці анлайн-сустрэчу кіраўнікоў рабочых груп і вызначыць шляхі нашага далейшага супрацоўніцтва паміж парламентамі", - дадаў Уладзімір Андрэйчанка.

"Мне вельмі прыемна, што нам удалося рушыць наперад у плане супрацоўніцтва на парламенцкім узроўні і ў іншых сферах, - адзначыў у сваю чаргу пасол. - Я поўнасцю падзяляю вашу думку аб тым, што назначэнне прэзідэнтамі спецпрадстаўнікоў для кожнага з бакоў садзейнічала перазапуску адносін паміж нашымі дзяржавамі. Менавіта дзякуючы гэтым назначэнням у снежні 2021 года ў Каракасе адбылося восьмае пасяджэнне сумеснай беларуска-венесуэльскай камісіі высокага ўзроўню, у выніку работы якой былі намечаны канкрэтныя планы на 2022 год. Мы спадзяёмся, што праведзеная ў адпаведнасці з вызначанымі задачамі работа дасць магчымасць нам выйсці на правядзенне сустрэч на самым высокім узроўні. Вельмі спадзяёмся, што ўдасца правесці эканамічны форум у рамках наступнага, дзявятага пасяджэння сумеснай беларуска-венесуэльскай камісіі высокага ўзроўню. Таксама з аптымізмам глядзім на тое, што, магчыма, адбудзецца сустрэча кіраўнікоў дзяржаў у гэтым жа годзе. Безумоўна, чырвонай ніткай, вельмі важным момантам для нас, з'яўляецца і стварэнне рабочай групы па супрацоўніцтве паміж двума парламентамі. Гэта яшчэ адзін з крокаў па ўмацаванні нашага ўзаемадзеяння на палітычным фронце".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі