24 студзеня, Мінск /Кар. БЕЛТА/. Прыярытэтны напрамак работы дэпутатаў - канстытуцыйнае рэфармаванне, заявіў старшыня Палаты прадстаўнікоў Уладзімір Андрэйчанка на пасяджэнні Савета Палаты прадстаўнікоў, перадае карэспандэнт БЕЛТА.
"Прыярытэтны напрамак нашай работы - гэта канстытуцыйнае рэфармаванне. Неабходна закончыць прыняцце законапраектаў, якія звязаны з прыняццем абноўленай Канстытуцыі Рэспублікі Беларусь. На сённяшні дзень з 90 законаў, якія прадугледжаны планам мерапрыемстваў па прывядзенні законаў у адпаведнасць са змяненнямі і дапаўненнямі Канстытуцыі, у 28 мы ўжо неабходныя папраўкі ўнеслі", - сказаў Уладзімір Андрэйчанка.
Паводле яго слоў, у першым чытанні прыняты 16 законапраектаў, якія карэкціруюць 26 законаў. "Яшчэ тры праекты законаў падрыхтаваны да разгляду ў першым чытанні на заўтрашнім пасяджэнні Палаты прадстаўнікоў, - адзначыў спікер. - Галоўная задача ўсіх камісій у бліжэйшы час завяршыць работу, звязаную з прыняццем абноўленай Канстытуцыі".-0-
