ДЗЯРЖОРГАНЫДЗЯРЖОРГАНЫ
Флаг Серада, 6 ліпеня 2022
Мінск +17°C
Усе навіны
Усе навіны
Палітыка
29 сакавіка 2022, 11:36

Андрэйчанка: паміж Беларуссю і Сірыяй наладжаны дыялог па многіх напрамках

29 сакавіка, Мінск /Кар. БЕЛТА/. Старшыня Палаты прадстаўнікоў Нацыянальнага сходу Уладзімір Андрэйчанка правёў сустрэчу з Надзвычайным і Паўнамоцным Паслом Сірыйскай Арабскай Рэспублікі ў Беларусі Махамадам аль-Умрані, перадае карэспандэнт БЕЛТА.

"Я рады магчымасці пазнаёміцца з вамі. За час вашай работы мы бачым дадатную дынаміку кантактаў у розных сферах нашага ўзаемадзеяння. Сірыйская Арабская Рэспубліка - дружалюбная для нас краіна. У такі няпросты час у нас ідзе дыялог па многіх напрамках. У канцы студзеня прайшло сумеснае пасяджэнне па гандлёва-эканамічным супрацоўніцтве. Намечаны шляхі далейшай нашай работы. Упэўнены, дэпутаты Беларусі і Сірыі настроены на тое, каб напрамкі, якія вызначаны, рэалізоўваліся", - сказаў Уладзімір Андрэйчанка.

Падчас сустрэчы бакі абмеркавалі актуальныя пытанні міжпарламенцкага, гандлёва-эканамічнага і гуманітарнага супрацоўніцтва. Старшыня Палаты прадстаўнікоў звярнуў увагу, што Прэзідэнт нашай краіны ўдзяляе самую пільную ўвагу развіццю адносін з Сірыяй. "Гэта датычыцца не толькі палітычнай, гандлёва-эканамічнай, але і гуманітарнай сферы. Пад патранажам кіраўніка дзяржавы рэалізуецца праект па аздараўленні і лячэнні сірыйскіх дзяцей у НДЦ "Зубраня". За апошнія пяць гадоў там прайшлі аздараўленне амаль 1 тыс. сірыйскіх дзяцей. Адначасова ўмацоўваюцца міжкультурныя сувязі, і мы маем намер прадаўжаць", - канстатаваў ён. - Немалая роля ва ўмацаванні супрацоўніцтва належыць нашым заканадаўчым органам, міжпарламенцкім групам".

"Мы сёння сустракаемся са старшынёй Палаты прадстаўнікоў Нацыянальнага сходу Беларусі, каб абмеркаваць пытанні супрацоўніцтва паміж нашымі дзвюма дружалюбнымі краінамі. Палітычныя адносіны паміж намі вельмі моцныя і высока развітыя. Мы імкнёмся да развіцця супрацоўніцтва ў эканамічнай, культурнай, міжпарламенцкай сферах", - падкрэсліў Махамад аль-Умрані.

Пасол выказаў удзячнасць Беларусі, якая падтрымала Сірыю ў апошнім доўгім узброеным канфлікце. "Мы вельмі высока цэнім пазіцыю Рэспублікі Беларусь, якая падтрымала нас у той час, - адзначыў ён. - Беларусь таксама зведвае на сабе націск, які заключаецца ў выглядзе санкцый, эканамічнай блакады. Мы ўжо адчувалі на сабе такія меры ўздзеяння. Мы салідарныя з вашай краінай у процістаянні гэтым санкцыям. Са свайго боку мы зробім усё для развіцця двухбаковых адносін".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі