ДЗЯРЖОРГАНЫДЗЯРЖОРГАНЫ
Флаг Чацвер, 19 мая 2022
Мінск Суцэльная воблачнасць +17°C
Усе навіны
Усе навіны
Палітыка
11 студзеня 2022, 15:17

Андрэйчанка: падзеі ў Казахстане паказалі, наколькі важныя надзейныя саюзнікі

Уладзімір Андрэйчанка. Фота з архіва
Уладзімір Андрэйчанка. Фота з архіва

11 студзеня, Мінск /Кар. БЕЛТА/. Падзеі ў Казахстане паказалі, што вельмі важна мець надзейных саюзнікаў, заявіў БЕЛТА старшыня Палаты прадстаўнікоў Уладзімір Андрэйчанка.

"Мірныя" навагоднія пратэсты ў Казахстане, якія ў адзін момант перараслі ў масавыя пагромы і бясчынствы, наглядна паказалі, што сёння ніводная дзяржава не застрахавана ад знешняга ўмяшання. Тэхналогія кіруемага хаосу, паспяхова выпрабаваная ў розных кутках свету, у тым ліку і ў нас, чарговы раз паказала сваю эфектыўнасць. Сотні забітых, тысячы параненых - і гэта далёка не поўны вынік "рэалізацыі дэмакратычных правоў грамадзян на пратэст". А менавіта так ацэньваюць крывавы шабаш у Казахстане прадстаўнікі Захаду", - сказаў Уладзімір Андрэйчанка.

Спікер падкрэсліў: на самай справе ў дружалюбнай нам краіне зроблена спроба дзяржаўнага перавароту, мэтай якога быў захоп улады, стварэнне чарговага ачага напружанасці і процідзеянне інтэграцыйным працэсам на постсавецкай прасторы. Казахстанскі народ пры гэтым разглядаўся ўсяго толькі як разменная манета ў геапалітычнай гульні, а яго інтарэсы наогул не прымаліся пад увагу.

"Разам з тым у Казахстане ўпершыню для стабілізацыі абстаноўкі быў задзейнічаны механізм прымянення міратворчых сіл АДКБ. Перад тварам знешняй небяспекі прэзідэнт краіны звярнуўся па падтрымку да саюзнікаў, і яна была неадкладна прадастаўлена, што стала нечаканасцю як для мяцежнікаў, так і іх заходніх заступнікаў. Сёння ва ўмовах трансфармацыі свету важныя не толькі ўнутраная стабільнасць, дыялог улады і народа, але і наяўнасць надзейных саюзнікаў, гатовых падставіць плячо ў патрэбную мінуту. Падзеі ў Казахстане - яркае таго пацвярджэнне", - канстатаваў Уладзімір Андрэйчанка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі