ДЗЯРЖОРГАНЫДЗЯРЖОРГАНЫ
Флаг Серада, 4 жніўня 2021
Мінск Суцэльная воблачнасць +18°C
Усе навіны
Усе навіны
Палітыка
15 чэрвеня 2021, 10:47

Андрэйчанка: моцная ўлада патрэбна для спакойнага жыцця краіны

Фота з архіва
Фота з архіва

15 чэрвеня, Мінск /Кар. БЕЛТА/. Моцная ўлада патрэбна для мірнага і спакойнага жыцця краіны. Аб гэтым у інтэрв'ю газеце "СБ. Беларусь сегодня" заявіў старшыня Палаты прадстаўнікоў Нацыянальнага сходу Уладзімір Андрэйчанка, паведамляе БЕЛТА.

"Нічога няма важней. Без гэтага не можа быць ні стабільнасці, ні развіцця, ні проста нармальнага чалавечага быцця. Таму мір, спакой і правапарадак у грамадстве - дзяржаўная каштоўнасць, пытанне нумар адзін для Прэзідэнта і ўсіх галін улады. Жнівеньскія падзеі мінулага года паказалі, што трэба ўзмацніць рэгулюючае ўздзеянне заканадаўства на ўсе бакі палітычнага і сацыяльна-эканамічнага жыцця грамадства, удасканаліць нашу прававую сістэму ў кантэксце знешніх і ўнутраных пагроз суверэнітэту і незалежнасці дзяржавы, - адзначыў спікер. - Была праведзена вялікая комплексная работа з улікам міжнароднага права, вынікам якой стала прыняцце на праводзімай цяпер пятай сесіі парламента вялікага пакета рэзанансных заканадаўчых актаў, якія ўмацоўваюць нацыянальную бяспеку. Яны адпавядаюць запатрабаванню грамадства на папярэджанне і спыненне антыграмадскіх дзеянняў і спроб дэстабілізацыі грамадска-палітычнай сітуацыі ў рэспубліцы".

Паводле слоў Уладзіміра Андрэйчанкі, ёсць строгае запатрабаванне часу абараняць і ўмацоўваць беларускую дзяржаўнасць. "Роля права і праватворчасці ў сувязі з гэтым павышаецца. Мы будзем рэагаваць на пагрозы і выклікі суразмерна, заканадаўча забяспечваючы бяспеку краіны і грамадзян. Прымаючы законы, парламент ідзе па такім шляху, каб краіна жыла мірна і спакойна, эфектыўна працавала і паступова развівалася", - сказаў старшыня ніжняй палаты парламента.

Гаворачы аб поствыбарных падзеях і правале планаў апанентаў улады, ён падкрэсліў, што радыкалы фактычна былі і засталіся сам-насам са сваімі амбіцыямі, не маючы масавай грамадскай падтрымкі сваіх разбуральных мэт.

"Радыкалізм ніколі беларускім народам не падтрымліваўся. Яго ідэалогія, замешаная на карысці і цынізме, абсалютнай большасцю грамадзян і не магла быць успрынята, паколькі ў іх зусім іншыя светапоглядныя ўстаноўкі: мір, стабільнасць, парадак, патрыятызм. На іх і нарваліся праціўнікі ўлады ў сваім сеткавым і вулічным запале. Гэта першы момант. Другі - улада не дапусціла аддзялення дзяржавы ад людзей, разбоўтанасці ўладнай вертыкалі, не дазволіла размыць кансалідаваную падтрымку дзяржаўнага ладу, на чым сфакусіраваны імкненні нашых нядобразычліўцаў. Не менш значны і трэці момант - рэалізаваная Прэзідэнтам патрэбнасць грамадства ў моцнай, адказнай уладзе, - лічыць Уладзімір Андрэйчанка. - Людзі пераканаліся ў здольнасці дзяржавы спыніць вулічныя беспарадкі, абараніць законапаслухмяных грамадзян ад злачынных замахаў, забяспечыць грамадскую бяспеку. Відавочна, што жыццё ў краіне вярнулася ў нармальнае рэчышча. У людзей умацавалася ўпэўненасць у заўтрашнім дні, нягледзячы на гібрыдныя санкцыі так званага калектыўнага Захаду. Гэта вельмі важна. Палітычныя ўзрушэнні адхілены грамадствам як непрымальныя".

На думку спікера, у дзеяннях і закліках апазіцыі няма галоўнага - палітычнай адказнасці. "Паглядзіце на збеглых. Чым павярнулася для іх на Захадзе нічым не абмежаваная свабода штурхаць Беларусь? Пустой агрэсіўнай балбатнёй, без усведамлення сваёй адказнасці перад беларускім народам. Адарваўшыся ад палітычных рэалій, яны так і не зразумелі, што абсалютнай большасці людзей у нашай краіне ніякая бура не патрэбна. Прысвяціўшы сваю мітусню дыскрэдытацыі беларускай дзяржавы, радыкалы ў выніку самі дыскрэдытавалі сябе і апынуліся ў тупіку", - упэўнены Уладзімір Андрэйчанка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі