20 снежня, Мінск /Кар. БЕЛТА/. Інтэрв'ю Эміля Чэчкі беларускім СМІ пацвярджае неапраўданую жорсткасць польскіх улад, якая мяжуе са злачынствам, у адносінах да мігрантаў. Аб гэтым заявіў старшыня Палаты прадстаўнікоў Уладзімір Андрэйчанка, паведамілі БЕЛТА ў прэс-службе Палаты прадстаўнікоў.
"Затрыманне ў прыгранічнай паласе польскага ваеннаслужачага Эміля Чэчкі і яго зварот з просьбай аб прадастаўленні палітычнага прыстанішча з'яўляецца чарговай вяхой, якая сведчыць аб крызісе заходняй дэмакратыі, - сказаў Уладзімір Андрэйчанка. - Інтэрв'ю, дадзенае гэтым маладым чалавекам прадстаўнікам беларускіх СМІ, пацвярджае неапраўданую жорсткасць польскіх улад, што мяжуе са злачынствам, у адносінах да мігрантаў, якія паверылі ў "еўрапейскую светлую будучыню". Псіхіка маладога паляка не справілася з дысанансам паміж палітычнымі лозунгамі і рэальнасцю, а сам ён выбраў альтэрнатыўны шлях, падказаны сумленнем".
Спікер канстатаваў: праўда, якая транслюецца беларускім бокам, "не даспадобы прыхільнікам заходняй дэмакратыі, а любыя адхіленні ад генеральнай лініі Еўрапейскага саюза недапушчальныя".
Уладзімір Андрэйчанка падкрэсліў, што Беларусь заўсёды праводзіла выключна міралюбівую палітыку, накіраваную на добрасуседства і ўзаемавыгаднае супрацоўніцтва. "Прадаўжэнне канфрантацыі - горшы з магчымых сцэнарыяў развіцця абстаноўкі, а мова санкцый недапушчальная ў XXI стагоддзі", - дадаў старшыня Палаты прадстаўнікоў.-0-
