ДЗЯРЖОРГАНЫДЗЯРЖОРГАНЫ
Флаг Панядзелак, 5 снежня 2022
Мінск Суцэльная воблачнасць -9°C
Усе навіны
Усе навіны
Палітыка
19 верасня 2022, 12:29

Андрэйчанка: дэпутаты павінны ўнесці важкі ўклад у забеспячэнне канстытуцыйных пераўтварэнняў

19 верасня, Мінск /Кар. БЕЛТА/. Маючая адбыцца сесія павінна ўнесці важкі ўклад у забеспячэнне канстытуцыйных пераўтварэнняў, заявіў старшыня Палаты прадстаўнікоў Уладзімір Андрэйчанка на пасяджэнні Савета Палаты прадстаўнікоў, перадае карэспандэнт БЕЛТА.

"Мы сабраліся напярэдадні адкрыцця чарговай, дзявятай, сесіі Палаты прадстаўнікоў. З яе пачаткам парламент паўнацэнна пераходзіць на новы рэжым работы. Сесійны перыяд будзе доўжыцца практычна год, што дасць магчымасць больш сістэмна і аператыўна прымаць важныя для краіны і людзей законапраекты. На сённяшні дзень у Палаце прадстаўнікоў знаходзіцца каля 40 законапраектаў, 20 з іх мы ўжо ўключаем у графік работы. Практычна гэтыя законапраекты поўнасцю падрыхтаваны да разгляду дэпутацкім корпусам. Гэта значыць пакуль мы ў цэлым ідзём у адпаведнасці з зацверджаным графікам. Але рытм нашай работы павінен нарастаць", - сказаў Уладзімір Андрэйчанка.

Перш за ўсё маючая адбыцца сесія павінна ўнесці важкі ўклад у забеспячэнне канстытуцыйных пераўтварэнняў. "Хачу падкрэсліць, што ключавыя законы гэтага блока, якія рэгулююць работу органаў улады, развіццё партыйнай сістэмы краіны і грамадзянскай супольнасці, нам неабходна прыняць да канца бягучага года. Па асобных з іх у кіраўніка дзяржавы ўжо адбыліся нарады, па шэрагу іншых пройдуць у самы бліжэйшы час. І нам неабходна, каб дэпутаты максімальна былі ўключаны ў працэс дашліфоўкі гэтых дакументаў", - адзначыў спікер.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі