11 студзеня, Мінск /Кар. БЕЛТА/. Ваенны аналітык Аляксандр Ціханскі назваў АДКБ дзейсным інструментам, і сітуацыя ў Казахстане гэта пацвердзіла. Такое меркаванне ён выказаў у час перадачы "Па сутнасці" на тэлеканале СТБ, перадае БЕЛТА.
"У АДКБ - кансэнсус, любое рашэнне прымаецца кансэнсусам. Я як ваенны аналітык скажу: некаторыя рашэнні прымаліся па тры-чатыры месяцы, а тут літаральна за адну ноч. Гэта паказала, што АДКБ - дзейсны інструмент, ён існуе і, больш таго, ён аптымальны і рабочы", - сказаў Аляксандр Ціханскі.
Як заўважыў палітолаг, кандыдат філасофскіх навук, загадчык аддзела сацыялогіі дзяржаўнага кіравання Інстытута сацыялогіі НАН кандыдат філасофскіх навук Мікалай Шчокін, "цяпер зразумела, што сёй-той за мяжой, за акіянам, чакаў, што замест Такаева нехта папросіць дапамогі ў НАТА, але не атрымалася". "Раптам умяшалася АДКБ. І філігранна, эфектыўна не проста дапамагла Казахстану, яна дапамагла ўвесці ў ступар увесь калектыўны Захад", - сказаў ён.-0-