![Фота МЗС Фота МЗС](https://blr.belta.by/images/storage/news/with_archive/2024/000020_1721200956_133601_big.jpg)
Фота МЗС
17 ліпеня, Мінск /Кар. БЕЛТА/. Намеснік міністра замежных спраў Беларусі Юрый Амбразевіч у сваім выступленні на адкрытых спрэчках высокага ўзроўню ў Савеце Бяспекі ААН нагадаў аб ініцыятыве беларускага боку распрацаваць Еўразійскую хартыю разнастайнасці і шматпалярнасці ў XXI стагоддзі.
Спрэчкі прысвечаны тэме шматбаковага супрацоўніцтва ў інтарэсах больш справядлівага, дэмакратычнага і ўстойлівага сусветнага парадку.
Юрый Амбразевіч канстатаваў складаную абстаноўку ў свеце, які пастаўлены на мяжу трэцяй сусветнай вайны. "Захаду не ўдалося ўзначаліць шматбаковасць, як мог бы зрабіць сапраўдны лідар, але заходнія эліты паспрабавалі максімальна выкарыстоўваць свае перавагі для эксплуатацыі іншых. Супраціўленне жа гэтаму прывяло да росту напружанасці ў свеце, да росту канфліктнасці, да дэградацыі сістэмы міжнароднай бяспекі, мер даверу, кантролю над узбраеннямі, да процістаяння ў той ці іншай ступені з пэўнай часткай членаў міжнароднай супольнасці і нават да вайны ў Еўропе, - сказаў намеснік міністра. - Мы з'яўляемся сведкамі ўсвядомленай адмовы заходніх эліт у асобе НАТА ад шматбаковасці ў вырашэнні крызісаў і стаўкі на процістаянне з тымі, каго яны вызначылі ў канкурэнты, у праціўнікі і ў пагрозы".
Беларускі дыпламат нагадаў пра такія факты, як развязаная Польшчай на граніцы з Беларуссю сапраўдная вайна супраць мігрантаў і адмова ад супрацоўніцтва з беларускім бокам; забарона Літвой транзіту беларускіх угнаенняў праз літоўскія парты ў краіны Афрыкі і Азіі і адмова Вільнюса ад гатоўнасці Мінска да транзіту ўкраінскага збожжа ў тыя ж краіны; забарона краін Еўрапейскага саюза на авіязносіны з Беларуссю.
"Хіба першае, і другое, і трэцяе не накіравана не толькі супраць маёй краіны, але і супраць інтарэсаў мноства іншых дзяржаў і простых людзей? Складваецца ўражанне, што пры ўсё яшчэ глабальным уключэнні ў міжнародны парадак дня заходнія дзяржавы ўсё больш самаабмяжоўваюцца і пазбаўляюцца інструментаў уплыву. Хіба гэта не адмова ад шматбаковасці? Акцэнт на аднабаковых дзеяннях, на аднабаковасці выгады, на дыктаце толькі сваіх правіл - вось корань праблем сённяшняга свету", - паставіў пытанне Юрый Амбразевіч.
Разам з тым на тэрыторыі Вялікай Еўразіі прысутнічае аб'яднальны парадак дня. У тым ліку ў фарматах Шанхайскай арганізацыі супрацоўніцтва, СНД, ЕАЭС, АСЕАН і шэрага іншых рэгіянальных аб'яднанняў. "Гэтыя аб'яднанні не накіраваны супраць кагосьці, не накіраваны супраць Захаду, але, як ужо адзначана, Захад сам не гатовы да супрацоўніцтва з імі", - заўважыў беларускі дыпламат.
Бачачы такі стан спраў, Беларусь арганізавала ў мінулым годзе ў Мінску міжнародную канферэнцыю высокага ўзроўню "Еўразійская бяспека: рэальнасць і перспектывы ў трансфармуемым свеце". На ёй Беларусь запусціла працэс абмеркавання пытання пабудовы роўнай і непадзельнай архітэктуры Еўразійскай бяспекі (дадаткова да міратворчых намаганняў па дасягненні мінскіх дамоўленасцей, аб'яднальных ініцыятыў па выбудоўванні новай архітэктуры бяспекі ў Еўропе пад назвай "Хельсінкі-2" і па глабальнай тэме дыялогу па бяспецы ў духу Сан-Францыска). Пры гэтым паказальна, што пераважная колькасць заходніх дзяржаў праігнаравалі запрашэнне.
"Мяркуючы па ўсім, сапраўдная шматбаковасць будзе адраджацца сярод сапраўдных аднадумцаў. У ходзе канферэнцыі наша краіна агучыла ініцыятыву аб распрацоўцы Еўразійскай хартыі разнастайнасці і шматпалярнасці ў XXI стагоддзі. Мы бачым гэты дакумент як аб'яднальны, у якім павінны быць сфармуляваны параметры і прынцыпы функцыянавання архітэктуры бяспекі на еўразійскай прасторы, а таксама стратэгічнае бачанне шматпалярнасці і шматбаковасці абноўленай сістэмы міжнародных адносін, магчыма, не толькі ў Еўразіі, але і ва ўсім свеце, - заявіў Юрый Амбразевіч. - Для нас гэтыя прынцыпы вядомыя і відавочныя. Гэта перш за ўсё апора на міжнароднае права, няўхільнае захаванне прынцыпу непадзельнасці бяспекі, паважанне разнастайнасці шляхоў развіцця кожнай дзяржавы, раўнапраўнае супрацоўніцтва ўсіх членаў міжнароднай супольнасці, павышэнне ролі ААН, паўнацэннае выкарыстанне рэгіянальных аб'яднанняў і арганізацый, інтэграцыйных механізмаў і, вядома, вяртанне да сапраўды эфектыўнага шматбаковага супрацоўніцтва".
Далейшае абмеркаванне гэтай тэмы будзе прадоўжана на другой Мінскай канферэнцыі па еўразійскай бяспецы, якая пройдзе ў канцы кастрычніка - пачатку лістапада 2024 года.
Як паведамлялася БЕЛТА, Прэзідэнт Беларусі Аляксандр Лукашэнка 4 ліпеня ў Астане на сустрэчы ў фармаце "ШАС плюс" таксама гаварыў аб ініцыятыве прыняць Еўразійскую хартыю. "Лічым, што яна павінна быць прынята на ўзроўні кіраўнікоў дзяржаў", - сказаў ён.
Беларуская ініцыятыва раней ужо атрымала падтрымку з боку Расіі на самым высокім узроўні. Аб гатоўнасці прыняць удзел у рабоце над дакументам заявілі і ў Кітаі.-0-
Спрэчкі прысвечаны тэме шматбаковага супрацоўніцтва ў інтарэсах больш справядлівага, дэмакратычнага і ўстойлівага сусветнага парадку.
Юрый Амбразевіч канстатаваў складаную абстаноўку ў свеце, які пастаўлены на мяжу трэцяй сусветнай вайны. "Захаду не ўдалося ўзначаліць шматбаковасць, як мог бы зрабіць сапраўдны лідар, але заходнія эліты паспрабавалі максімальна выкарыстоўваць свае перавагі для эксплуатацыі іншых. Супраціўленне жа гэтаму прывяло да росту напружанасці ў свеце, да росту канфліктнасці, да дэградацыі сістэмы міжнароднай бяспекі, мер даверу, кантролю над узбраеннямі, да процістаяння ў той ці іншай ступені з пэўнай часткай членаў міжнароднай супольнасці і нават да вайны ў Еўропе, - сказаў намеснік міністра. - Мы з'яўляемся сведкамі ўсвядомленай адмовы заходніх эліт у асобе НАТА ад шматбаковасці ў вырашэнні крызісаў і стаўкі на процістаянне з тымі, каго яны вызначылі ў канкурэнты, у праціўнікі і ў пагрозы".
Беларускі дыпламат нагадаў пра такія факты, як развязаная Польшчай на граніцы з Беларуссю сапраўдная вайна супраць мігрантаў і адмова ад супрацоўніцтва з беларускім бокам; забарона Літвой транзіту беларускіх угнаенняў праз літоўскія парты ў краіны Афрыкі і Азіі і адмова Вільнюса ад гатоўнасці Мінска да транзіту ўкраінскага збожжа ў тыя ж краіны; забарона краін Еўрапейскага саюза на авіязносіны з Беларуссю.
"Хіба першае, і другое, і трэцяе не накіравана не толькі супраць маёй краіны, але і супраць інтарэсаў мноства іншых дзяржаў і простых людзей? Складваецца ўражанне, што пры ўсё яшчэ глабальным уключэнні ў міжнародны парадак дня заходнія дзяржавы ўсё больш самаабмяжоўваюцца і пазбаўляюцца інструментаў уплыву. Хіба гэта не адмова ад шматбаковасці? Акцэнт на аднабаковых дзеяннях, на аднабаковасці выгады, на дыктаце толькі сваіх правіл - вось корань праблем сённяшняга свету", - паставіў пытанне Юрый Амбразевіч.
Разам з тым на тэрыторыі Вялікай Еўразіі прысутнічае аб'яднальны парадак дня. У тым ліку ў фарматах Шанхайскай арганізацыі супрацоўніцтва, СНД, ЕАЭС, АСЕАН і шэрага іншых рэгіянальных аб'яднанняў. "Гэтыя аб'яднанні не накіраваны супраць кагосьці, не накіраваны супраць Захаду, але, як ужо адзначана, Захад сам не гатовы да супрацоўніцтва з імі", - заўважыў беларускі дыпламат.
Бачачы такі стан спраў, Беларусь арганізавала ў мінулым годзе ў Мінску міжнародную канферэнцыю высокага ўзроўню "Еўразійская бяспека: рэальнасць і перспектывы ў трансфармуемым свеце". На ёй Беларусь запусціла працэс абмеркавання пытання пабудовы роўнай і непадзельнай архітэктуры Еўразійскай бяспекі (дадаткова да міратворчых намаганняў па дасягненні мінскіх дамоўленасцей, аб'яднальных ініцыятыў па выбудоўванні новай архітэктуры бяспекі ў Еўропе пад назвай "Хельсінкі-2" і па глабальнай тэме дыялогу па бяспецы ў духу Сан-Францыска). Пры гэтым паказальна, што пераважная колькасць заходніх дзяржаў праігнаравалі запрашэнне.
"Мяркуючы па ўсім, сапраўдная шматбаковасць будзе адраджацца сярод сапраўдных аднадумцаў. У ходзе канферэнцыі наша краіна агучыла ініцыятыву аб распрацоўцы Еўразійскай хартыі разнастайнасці і шматпалярнасці ў XXI стагоддзі. Мы бачым гэты дакумент як аб'яднальны, у якім павінны быць сфармуляваны параметры і прынцыпы функцыянавання архітэктуры бяспекі на еўразійскай прасторы, а таксама стратэгічнае бачанне шматпалярнасці і шматбаковасці абноўленай сістэмы міжнародных адносін, магчыма, не толькі ў Еўразіі, але і ва ўсім свеце, - заявіў Юрый Амбразевіч. - Для нас гэтыя прынцыпы вядомыя і відавочныя. Гэта перш за ўсё апора на міжнароднае права, няўхільнае захаванне прынцыпу непадзельнасці бяспекі, паважанне разнастайнасці шляхоў развіцця кожнай дзяржавы, раўнапраўнае супрацоўніцтва ўсіх членаў міжнароднай супольнасці, павышэнне ролі ААН, паўнацэннае выкарыстанне рэгіянальных аб'яднанняў і арганізацый, інтэграцыйных механізмаў і, вядома, вяртанне да сапраўды эфектыўнага шматбаковага супрацоўніцтва".
Далейшае абмеркаванне гэтай тэмы будзе прадоўжана на другой Мінскай канферэнцыі па еўразійскай бяспецы, якая пройдзе ў канцы кастрычніка - пачатку лістапада 2024 года.
Як паведамлялася БЕЛТА, Прэзідэнт Беларусі Аляксандр Лукашэнка 4 ліпеня ў Астане на сустрэчы ў фармаце "ШАС плюс" таксама гаварыў аб ініцыятыве прыняць Еўразійскую хартыю. "Лічым, што яна павінна быць прынята на ўзроўні кіраўнікоў дзяржаў", - сказаў ён.
Беларуская ініцыятыва раней ужо атрымала падтрымку з боку Расіі на самым высокім узроўні. Аб гатоўнасці прыняць удзел у рабоце над дакументам заявілі і ў Кітаі.-0-