13 красавіка, Мінск /Кар. БЕЛТА/. Намеснік міністра замежных спраў Рэспублікі Беларусь Юрый Амбразевіч 12 красавіка правёў сустрэчу з памочнікам генеральнага сакратара ААН па Еўропе, Цэнтральнай Азіі і Амерыцы Міраславам Енчам, паведамляе БЕЛТА са спасылкай на беларускае знешнепалітычнае ведамства.
У ходзе гутаркі абмеркавана тэматыка рэгіянальнай і міжнароднай бяспекі, у тым ліку ў кантэксце ўзброенага канфлікту ва Украіне. Была падкрэслена ўзаемасувязь глабальнай стабільнасці і ўстойлівага развіцця з аднаўленнем даверу ў сістэме міжнароднай бяспекі.
Намеснік міністра нагадаў пра раней агучаную ініцыятыву Прэзідэнта Беларусі па забеспячэнні еўрапейскай і глабальнай бяспекі на аснове Хельсінкскіх прынцыпаў, а таксама ў духу міжнароднай канферэнцыі Сан-Францыска. Былі адзначаны таксама намаганні Беларусі ў рамках мірных ініцыятыў з акцэнтам на непрымальнасці вырашэнняў любых канфліктаў сілавым шляхам.
Міраслаў Енча вітаў запланаваную ў 2023 годзе ў Мінску міжнародную канферэнцыю па тэматыцы еўразійскай бяспекі і беларускія ініцыятывы, накіраваныя на захаванне міру і міжнароднай бяспекі, у тым ліку ў кантэксце прыярытэтаў ААН па пытаннях новай праграмы для міру ў рамках падрыхтоўкі да Саміту будучага ў верасні 2024 года.
Сустрэча адбылася ў рамках удзелу Юрыя Амбразевіча ў мерапрыемствах 77-й сесіі Генеральнай Асамблеі ААН.-0-
