ДЗЯРЖОРГАНЫДЗЯРЖОРГАНЫ
Флаг Нядзеля, 4 снежня 2022
Мінск Суцэльная воблачнасць -5°C
Усе навіны
Усе навіны
Палітыка
12 верасня 2022, 11:38

Алейнік: ШАС дэманструе вялікі стваральны патэнцыял ва ўмацаванні палітычнага дыялогу паміж краінамі

Фота з архіва
Фота з архіва

12 верасня, Мінск /Аліна Грышкевіч - БЕЛТА/. Гісторыя Шанхайскай арганізацыі супрацоўніцтва і сучасны этап яе развіцця пераканаўча адлюстроўваюць вялікі стваральны патэнцыял арганізацыі ў сферы ўмацавання атмасферы даверу і палітычнага дыялогу краін з рознымі гістарычнымі лёсамі, менталітэтам і культурнымі каштоўнасцямі. Аб гэтым у інтэрв'ю карэспандэнту БЕЛТА заявіў першы намеснік міністра замежных спраў Рэспублікі Беларусь Сяргей Алейнік напярэдадні саміту ШАС, які пройдзе 15-16 верасня ў Самаркандзе (Узбекістан).

Як падкрэсліў Сяргей Алейнік, ШАС створана 15 чэрвеня 2001 года. Цяпер дзяржавамі - членамі ШАС з'яўляюцца восем краін: Індыя, Казахстан, Кітай, Кыргызстан, Пакістан, Расія, Таджыкістан, Узбекістан. Па выніках саміту кіраўнікоў дзяржаў ШАС у Душанбэ ў верасні 2021 года пачата працэдура далучэння Ірана ў якасці паўнапраўнага члена, прынята рашэнне аб прадастаўленні статусу партнёра па дыялогу Егіпту, Саудаўскай Аравіі і Катару. Працэс далучэння новых удзельнікаў набірае абароты. На ўдзел у арганізацыі прэтэндуе шэраг дзяржаў, уключаючы Азербайджан, Арменію, Бахрэйн, Мальдзівы, Непал, Сірыю і іншыя краіны.

"Беларусь вітае папаўненне "сям'і ШАС" новымі членамі. Кожны з іх з'яўляецца для нас дружалюбнай дзяржавай і значным партнёрам", - адзначыў першы намеснік кіраўніка знешнепалітычнага ведамства.

Ён нагадаў, што з моманту стварэння ў 2001 годзе ШАС прайшла шэраг этапаў развіцця і трансфармавалася з палітычнай арганізацыі, якая вырашае галоўным чынам пытанні бяспекі, у шматпрофільную, у сферу дзейнасці якой цяпер таксама ўваходзяць пытанні гандлёва-эканамічнага і сацыяльна-культурнага супрацоўніцтва. У прыватнасці, у рамках ШАС дзейнічае механізм сустрэч на ўзроўні кіраўнікоў парламентаў, сакратароў саветаў бяспекі, міністраў замежных спраў, абароны, надзвычайных сітуацый, эканомікі, транспарту, культуры, адукацыі, аховы здароўя, прамысловасці і энергетыкі, кіраўнікоў праваахоўных ведамстваў, вярхоўных і арбітражных судоў, генеральных пракурораў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі