Сцяг Чацвер, 25 красавіка 2024
Усе навіны
Усе навіны
Палітыка
14 снежня 2022, 10:14

Алейнік: прыярытэты знешняй палітыкі Беларусі застаюцца нязменнымі

14 снежня, Мінск /Кар. БЕЛТА/. Прыярытэты знешняй палітыкі Беларусі застаюцца нязменнымі. Аб гэтым заявіў Сяргей Алейнік у час прадстаўлення яго на пасадзе міністра замежных спраў Беларусі калектыву знешнепалітычнага ведамства, перадае карэспандэнт БЕЛТА.

"Вельмі ўдзячны Прэзідэнту за аказаны давер. Усведамляю, што гэта вялікая адказнасць. Учора ў ходзе назначэння Аляксандр Рыгоравіч сказаў, што будзе нялёгка. І гэта сапраўды так. Мы гэта дакладна разумеем", - падкрэсліў Сяргей Алейнік.

Міністр звярнуў увагу, што бягучы этап звязаны з кардынальным змяненнем светаўладкавання, беспрэцэдэнтнай геапалітычнай сітуацыяй, перакройваннем па сутнасці ўсіх правіл міжнародных адносін.

"Прыярытэты знешняй палітыкі Беларусі застаюцца нязменнымі. Галоўны прыярытэт знешняй палітыкі дакладна вызначаны кіраўніком дзяржавы - гэта захаванне і ўмацаванне суверэнітэту, незалежнасці, развіццё эканамічнага патэнцыялу і павышэнне дабрабыту людзей",- падкрэсліў міністр замежных спраў Рэспублікі Беларусь.

Новага міністра замежных спраў прадставіў калектыву МЗС прэм'ер-міністр Беларусі Раман Галоўчанка.-0-

Падпісвайцеся на нас у
Twitter
Топ-навіны
Свежыя навіны Беларусі