11 красавіка, Мінск /Кар. БЕЛТА/. Міністр замежных спраў Беларусі Сяргей Алейнік 11 красавіка сустрэўся з кіраўніком знешнепалітычнага ведамства Казахстана Муратам Нуртлеу, які прыбыў у Мінск для ўдзелу ў чарговым пасяджэнні Савета міністраў замежных спраў Садружнасці Незалежных Дзяржаў, паведамляе БЕЛТА.
Міністр звярнуў увагу, што падтрымліваецца актыўны шматузроўневы даверны дыялог паміж дзвюма краінамі. "Гэты дыялог ажыццяўляецца на ўзроўні кіраўнікоў дзяржаў. Напаўняюцца новым зместам міжпарламенцкія сувязі, паслядоўна развіваецца гандлёва-эканамічнае супрацоўніцтва, міжурадавы дыялог і, вядома ж, наш дыялог паміж міністэрствамі замежных спраў, які мы не спыняем".
У ходзе сустрэчы кіраўнікі знешнепалітычных ведамстваў удзялілі асаблівую ўвагу пытанням падрыхтоўкі і правядзення ў бліжэйшыя месяцы ў Мінску 18-га пасяджэння міжурадавай беларуска-казахстанскай камісіі па гандлёва-эканамічным супрацоўніцтве. Разгледжаны таксама ход выканання Плана супрацоўніцтва паміж знешнепалітычнымі ведамствамі дзвюх краін на 2023-2024 гады.
Міністры намецілі далейшыя крокі па пашырэнні ўзаемных кантактаў і рэалізацыі сумесных праектаў, у тым ліку ў гуманітарнай і інфармацыйнай сферах. Яны абмеркавалі агульны стан дагаворна-прававой базы беларуска-казахстанскіх адносін, дамовіліся аб яе інвентарызацыі ў адпаведнасці з актуальнымі мэтамі і задачамі двухбаковага ўзаемадзеяння.
Акрамя таго, бакі пацвердзілі курс на паслядоўнае ўмацаванне інтэграцыйнага супрацоўніцтва ў рамках ЕАЭС, АДКБ, СНД і ШАС, а таксама на канструктыўнае ўзаемадзеянне ў рамках міжнародных арганізацый.
Сяргей Алейнік падкрэсліў: "Мы рады выкарыстоўваць магчымасці гэтай шматбаковай пляцоўкі для правядзення двухбаковай сустрэчы і абмеркавання нашых двухбаковых адносін. Я хацеў бы адзначыць сапраўды вельмі пазітыўную дынаміку беларуска-казахстанскіх адносін, якія развіваюцца ў імя інтарэсаў нашых краін і народаў".
Кіраўнік МЗС сказаў аб важнасці развіцця трывалых сувязей паміж Беларуссю і Казахстанам у інтэграцыйных аб'яднаннях і падтрымцы адзін аднаго ў міжнародных арганізацыях.
Міністры намецілі далейшыя крокі па пашырэнні ўзаемных кантактаў і рэалізацыі сумесных праектаў, у тым ліку ў гуманітарнай і інфармацыйнай сферах. Яны абмеркавалі агульны стан дагаворна-прававой базы беларуска-казахстанскіх адносін, дамовіліся аб яе інвентарызацыі ў адпаведнасці з актуальнымі мэтамі і задачамі двухбаковага ўзаемадзеяння.
Міністры канстатавалі значны патэнцыял для пашырэння і актывізацыі міжрэгіянальнага супрацоўніцтва з акцэнтам на ўмацаванне прамых эканамічных сувязей і пашырэнне сумесных праектаў на ўзроўні рэгіёнаў Беларусі і Казахстана.
Сяргей Алейнік падзякаваў казахстанскаму калегу за паслядоўную падтрымку Беларусі ў пытанні далучэння да ШАС у якасці паўнапраўнага члена арганізацыі.-0-
Фота Надзеі Касцецкай
