14 лютага, Мінск /Кар. БЕЛТА/. Міністр замежных спраў Рэспублікі Беларусь Сяргей Алейнік 14 лютага сустрэўся з прадстаўніком Упраўлення Вярхоўнага камісара ААН па справах бежанцаў у Беларусі Эралам Ардучам у сувязі з пачаткам яго работы ў Беларусі. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
"У ходзе перагавораў субяседнікі абмеркавалі актуальны стан і перспектывы супрацоўніцтва Беларусі з УВКБ, а таксама сітуацыю з бежанцамі, якія прыбылі ў Беларусь з Украіны", - гаворыцца ў паведамленні Міністэрства замежных спраў нашай краіны.
Сяргей Алейнік адзначыў, што Беларусь зацікаўлена ў далейшым актыўным узаемадзеянні з УВКБ па ўсім коле пытанняў, якія ўваходзяць у мандат гэтага важнага агенцтва Арганізацыі Аб'яднаных Нацый.-0-
