Мабільная версія
ДЗЯРЖОРГАНЫ

Апошнія навіны
Усе навіны

Акрэдытаваным у Маскве замежным дыпламатам растлумачылі парадак бязвізавага ўезду ў Беларусь

Палітыка 27.01.2017 | 19:34
Фота пасольства Беларусі ў Расіі
Фота пасольства Беларусі ў Расіі

27 студзеня, Масква /Эдуард Півавар - БЕЛТА/. Акрэдытаваным у Маскве замежным дыпламатам растлумачылі парадак бязвізавага ўезду ў Беларусь, які ў адпаведнасці з указам Прэзідэнта ўводзіцца з 12 лютага для грамадзян 80 дзяржаў. Сёння ў пасольстве Беларусі ў Расіі адбыўся спецыяльны брыфінг, які выклікаў павышаны інтарэс прадстаўнікоў замежных дыпмісій, перадае карэспандэнт БЕЛТА.

У самым пачатку мерапрыемства саветнік-пасланнік пасольства Беларусі ў Расіі Юрый Ярашэвіч падкрэсліў, што за рашэннем аб бязвізавым уездзе няма ніякай палітыкі. "Яно накіравана толькі на тое, каб зрабіць Беларусь больш прывабнай для бізнесменаў і турыстаў", - сказаў дыпламат.

Начальнік консульскага аддзела пасольства Беларусі ў Расіі Уладзімір Шорахаў адзначыў, што падобны рэжым бязвізавага ўезду ўжо быў апрабаваны адносна грамадзян Кітая, Катара і Аб'яднаных Арабскіх Эміратаў у адпаведнасці з прынятымі раней указамі. "У ходзе іх рэалізацыі не было выяўлена фактараў, здольных аказаць уплыў на фарміраванне пагроз нацыянальнай бяспецы Беларусі і сумежных з ёю дзяржаў, - падкрэсліў Уладзімір Шорахаў. - Узмацненне патокаў нелегальнай міграцыі ў названым кантэксце зафіксавана таксама не было".

Указам Прэзідэнта Беларусі нумар 8 "Аб устанаўленні бязвізавага парадку, уезду і выезду замежных грамадзян" устанаўліваецца бязвізавы парадак уезду ў Беларусь на тэрмін не больш як 5 сутак пры ўездзе цераз пункт пропуску праз Дзяржаўную граніцу Нацыянальны аэрапорт Мінск для грамадзян 80 дзяржаў. Дзеянне дакумента распаўсюджваецца на 39 краін Еўропы, уключаючы ўвесь Еўрасаюз, а таксама Бразілію, Інданезію, ЗША, Канаду, Японію і іншыя дзяржавы. У першую чаргу гэта стабільныя ў міграцыйным плане краіны, стратэгічныя партнёры Беларусі, дзяржавы, якія ў аднабаковым парадку ўстанавілі бязвізавы рэжым у дачыненні да беларускіх грамадзян.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.