ДЗЯРЖОРГАНЫДЗЯРЖОРГАНЫ
Панядзелак, 13 ліпеня 2020
Мінск Ясна +15°C
Усе навіны
Усе навіны
Палітыка
02 чэрвеня 2020, 18:29

Адмена роўмінгу, устараненне бар'ераў, пастаўкі прадуктаў харчавання - тэмы Групы высокага ўзроўню СД

Фота з архіва
Фота з архіва

2 чэрвеня, Масква /Эдуард Півавар - БЕЛТА/. Пасяджэнне Групы высокага ўзроўню Савета міністраў Саюзнай дзяржавы пройдзе 5 чэрвеня ў фармаце відэаканферэнцыі, паведамілі БЕЛТА ў Пастаянным камітэце Саюзнай дзяржавы.

"Парадак дня пасяджэння ўключае ў сябе шэраг пытанняў, прысвечаных актуальным аспектам беларуска-расійскіх адносін, - адзначылі ў Пасткаме. - Плануецца перш за ўсё разгледзець пытанні гандлёва-эканамічнага супрацоўніцтва, якія датычацца дзяржаўных (муніцыпальных) закупак, устаранення тэхнічных бар'ераў доступу беларускіх прадпрыемстваў, звязаных з акрэдытацыяй на электронных гандлёвых пляцоўках у Расіі ў мэтах удзелу ў працэдурах закупак, абмежавання допуску радыёэлектроннай прадукцыі, вырабленай на тэрыторыі Беларусі, да дзяржаўных (муніцыпальных) закупак у РФ".

У сферы аграпрамысловага комплексу будзе закранута тэма паставак расійскай свінагадоўчай прадукцыі ў Беларусь і паставак беларускай плодаагародніннай прадукцыі на тэрыторыю Расіі. Адным з пытанняў для разгляду з'яўляецца ажыццяўленне транзіту беларускіх тавараў праз тэрыторыю Расіі ў адрас атрымальнікаў іншых дзяржаў Еўразійскага эканамічнага саюза.

"У рамках выканання рэзалюцыі Вышэйшага дзяржаўнага савета Саюзнай дзяржавы ад 30 чэрвеня 2017 года нумар 3 бакамі будзе заслухана інфармацыя аб ходзе работы па адмене роўмінгу на тэрыторыі Саюзнай дзяржавы, - дадалі ў Пасткаме. - У мэтах каардынацыі работы па падрыхтоўцы і правядзенні ў бягучым годзе пасяджэнняў вышэйшых органаў СД запланаваны разгляд пытання аб праектах парадку дня чарговых пасяджэнняў Савета Міністраў і Вышэйшага дзяржсавета Саюзнай дзяржавы".

У пасяджэнні прымуць удзел сустаршыні Групы высокага ўзроўню - Надзвычайны і Паўнамоцны Пасол Беларусі ў РФ, надзелены паўнамоцтвамі намесніка прэм'ер-міністра, Уладзімір Сямашка, віцэ-прэм'ер Расіі Аляксей Авярчук, а таксама дзяржаўны сакратар Саюзнай дзяржавы Рыгор Рапота, Надзвычайны і Паўнамоцны Пасол РФ у Беларусі Дзмітрый Мезенцаў, кіраўнікі галіновых беларускіх і расійскіх міністэрстваў, прадстаўнікі Пастаяннага камітэта Саюзнай дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі