ДЗЯРЖОРГАНЫДЗЯРЖОРГАНЫ
Флаг Аўторак, 27 ліпеня 2021
Мінск Пераменная воблачнасць +21°C
Усе навіны
Усе навіны
Палітыка
19 красавіка 2021, 17:54

АДКБ мае намер нарошчваць інфармработу дыппрадстаўніцтваў краін-удзельніц

19 красавіка, Масква /Эдуард Півавар - БЕЛТА/. Пастаянны савет АДКБ, пасяджэнне якога адбылося сёння з удзелам генеральнага сакратара арганізацыі Станіслава Зася, узгадніў план кансультацый па пытаннях знешняй палітыкі, бяспекі i абароны і праект рашэння Савета міністраў замежных спраў па нарошчванні інфармацыйнай работы аб дзейнасці АДКБ. Аб гэтым БЕЛТА паведаміў прэс-сакратар АДКБ Уладзімір Зайнетдзінаў.

"У рамках падрыхтоўкі да маючых адбыцца ў красавіку-маі пасяджэнняў статутных органаў арганізацыі быў разгледжаны і ўзгоднены план кансультацый прадстаўнікоў дзяржаў - членаў АДКБ па пытаннях знешняй палітыкі, бяспекі i абароны на другое паўгоддзе 2021 года - першае паўгоддзе 2022-га, - адзначыў прэс- сакратар. - Таксама быў узгоднены праект рашэння Савета міністраў замежных спраў дзяржаў - членаў Арганізацыі Дагавора аб калектыўнай бяспецы, які датычыцца сумесных мер дыпламатычных прадстаўніцтваў дзяржаў - членаў АДКБ па нарошчванні інфармацыйнай работы аб дзейнасці Арганізацыі Дагавора аб калектыўнай бяспецы. Пастаянны савет прыняў рашэнне накіраваць названыя дакументы ва ўстаноўленым парадку для разгляду на маючых адбыцца пасяджэннях статутных органаў АДКБ".

"Таксама быў разгледжаны шэраг важных палітычных заяў і дакументаў, работа над якімі прадоўжыцца на наступных пасяджэннях Пастаяннага савета АДКБ", - дадаў прэс-сакратар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі