Сцяг Пятніца, 29 сакавіка 2024
Усе навіны
Усе навіны
Палітыка
06 снежня 2018, 19:30

АБСЕ застаецца заложнікам геапалітыкі - Макей

6 снежня, Мінск /Аліна Грышкевіч - БЕЛТА/. АБСЕ застаецца заложнікам геапалітыкі. Аб гэтым заявіў міністр замежных спраў Беларусі Уладзімір Макей на 25-м пасяджэнні Савета міністраў АБСЕ ў Мілане, паведамілі карэспандэнту БЕЛТА ў прэс-службе знешнепалітычнага ведамства.

"На жаль, за мінулы год мы яшчэ больш аддаліліся ад выканання асноўных палажэнняў Хельсінкскага заключнага акта i Парыжскай хартыі для новай Еўропы, - адзначыў кіраўнік МЗС. - Нам не ўдалося ўрэгуляваць канфлікты ў рэгіёне АБСЕ. Мы не знізілі напружанасць, не стварылі атмасферу ўзаемаразумення і даверу, а зусім наадварот".

Паводле яго слоў, АБСЕ застаецца заложнікам геапалітыкі. "Прадаўжаецца небяспечнае нарошчванне ваенных патэнцыялаў і ваеннай прысутнасці каля граніц адзін аднаго. Унутраныя палітычныя і нават асабістыя амбіцыі пераважаюць над інтарэсамі агульнай бяспекі. Парадыгма канфлікту дамінуе над парадыгмай фарміравання супольнасці бяспекі. Мы павінны перастаць думаць аб стварэнні новых ваенных баз і напаўненні нашага рэгіёна смяротнай зброяй - гэта зусім не садзейнічае ўмацаванню агульнай бяспекі", - сказаў Уладзімір Макей.

"Мы не павінны быць фаталістамі, калі размова ідзе аб урэгуляванні канфліктаў, якія могуць прывесці да чалавечых ахвяр, калі нават маленькая іскра можа выклікаць вялікі пажар, - падкрэсліў міністр. - Мы не можам дазволіць сабе раскошу стратэгічнага цярпення і бяздзейнага сузірання, калі размова ідзе аб пашырэнні адкрытага, інклюзіўнага і ўзаемапаважлівага дыялогу, якому няма альтэрнатывы".-0-

Падпісвайцеся на нас у
Twitter
Топ-навіны
Свежыя навіны Беларусі