20 кастрычніка, Мінск /Кар. БЕЛТА/. Надзвычайны і Паўнамоцны Пасол Беларусі ў Паўднёва-Афрыканскай Рэспубліцы і Зімбабвэ па сумяшчальніцтве Аляксандр Сідарук сустрэўся са старшынёй Панафрыканскага парламента Фарчунам Чарумбіра. Аб гэтым БЕЛТА паведамілі ў прэс-службе МЗС Беларусі.
У час сустрэчы пасол выказаў зацікаўленасць беларускага боку ў развіцці ўсебаковага супрацоўніцтва з краінамі Афрыканскага кантынента і пацвердзіў гатоўнасць максімальна садзейнічаць аднаўленню кантактаў паміж Нацыянальным сходам Рэспублікі Беларусь і Панафрыканскім парламентам.
У якасці магчымых шляхоў і форм супрацоўніцтва абмеркаваны абмены візітамі і атрыманне статусу наглядальніка для Нацыянальнага сходу Рэспублікі Беларусь пры Панафрыканскім парламенце.
На сустрэчы таксама быў закрануты двухбаковы беларуска-зімбабвійскі парадак дня, абмеркавана супрацоўніцтва ў палітычнай і гандлёва-эканамічнай сферах.-0-
